Aktualitet

I dyshuar për vrasjen e Shkëlzen Kastratit, lihet në burg Elmir Tufa, avokati: Atë ditë ishte në gjykatën e Krujës

31-vjeçari është paraqitur në gjykatë mëngjesin e kësaj të diele nën masa të rrepta sigurie dhe është vendosur verifikimi i masës se sigurimit.

5 Nëntor 2023, 12:02 Nga A.B
I dyshuar për vrasjen e Shkëlzen Kastratit, lihet në burg Elmir
Elmir Tufa

FIER- Lihet në masën e sigurisë 'arrest me burg' nga Gjykata e Shkallës së Parë të Rrethit gjyqësor Fier, Elmir Tufa, i akuzuar për vrasjen e Shkëlzen Kastratit në 1 shkurt të vitit 2021. 31-vjeçari është paraqitur në gjykatë mëngjesin e kësaj të diele nën masa të rrepta sigurie dhe është vendosur verifikimi i masës se sigurimit.

Pasi kanë dëgjuar palët si atë akuzuese dhe atë mbrojtëse trupi gjykues vendosi vijimin e masës së sigurisë “arrest me burg” për Elmir Tufen. Gjatë seancës personi nën hetim dhe avokati i tij pretenduan se ditën e ngjarjes kanë qenë në gjykatën e Krujës në një gjykim zëvendësim mase sigurimi të një kushëriri të tij dhe pretendonin se kishin pamje filmike për këtë fakt, duke përsëritur edhe një herë mospërfshirjen në vrasjen e biznesmenit 42-vjeçar.

Mbi Tufën rëndojnë veprat penale “Vrasje me paramendim” e kryer në bashkëpunim, “Mbajtja pa leje dhe prodhimi i armëve shpërthyese dhe i municionit"./Dosja.al

elmir tufa shkelzen kastrati

Sondazh

Poll

MË SHUMË