Aktualitet

Moti i keq në Lezhë/ Situatata drejt përmirësimit: Ulet intensiteti i reshjeve, lundrimi detar ende i pezulluar

Po ashtu probleme vijon të ketë edhe me furnizimin me energji elektrike, pasi stuhia me ere të fortë ka dëmtuar linjat kryesisht në fshatra.

5 Nëntor 2023, 11:22 Nga r.ll
Moti i keq në Lezhë/ Situatata drejt përmirësimit: Ulet
foto nga lezha

LEZHË-Në Lezhë situata e krijuar nga moti i keq është drejt përmirësimit. Që prej mbrëmjes së djeshme intensiteti i reshjeve është ulur duke ndikuar pozitivisht më tërheqjen e ujerave në zonën e Shëngjinit, ku kishte probleme një ditë më parë, sipas të dhënave zyrtare të Mbrojtjes Civile.

Ndërkohë lundrimi detar në Shëngjin vijon të jetë i pezulluar, për shkak të detit të trazuar me dallgëzim deri në 7 ballë, ndërsa mjetet lundruese do të qëndrojnë të ankoruara në port deri në përmirësimin e kushteve atmosferike.

Po ashtu probleme vijon të ketë edhe me furnizimin me energji elektrike, pasi stuhia me ere të fortë ka dëmtuar linjat kryesisht në fshatra. Grupet e punës të OSHEE ndodhen në gatishmëri, duke ndërhyre në kohë në riparimin e defekteve dhe rikthimin e energjisë në zonat ku janë krijuar problematika.

moti i keq ne lezhe

Sondazh

Poll

MË SHUMË