Aktualitet

Aksidenti i rëndë në Gjermani/ Flet daja i të plagosurit: 3 viktimat janë nga Elbasani, nipi im është në gjendje kome

Cemenja tregon se nipi i tij kishte prerë biletën që të kthehej në Shqipëri me datë 2 dhjetor, por fatkeqësisht mbeti i plagosur rëndë në Gjermani, pasi skela ku po punonin në katin e tetë të një pallati u shemb dhe ra në një bosht ashensori.

1 Nëntor 2023, 12:00 Nga f.i
Aksidenti i rëndë në Gjermani/ Flet daja i të plagosurit: 3
Albert Zorba dhe Luan Cemenja

GJERMANI- Daja i personit që mbeti i plagosur si pasojë e aksidentit të rëndë në Hamburg, ku 4 persona humbën jetën ka zbuluar detaje rreth viktimave. Luan Cemenja ka treguar në një intervistë për Report Tv se i plagosur ka mbetur nipi i tij Alfred Dija dhe 2 prej 4 viktimave janë Albert Zorba dhe Astrit Gjeka.

Cemenja tregon se nipi i tij kishte prerë biletën që të kthehej në Shqipëri me datë 2 dhjetor, por fatkeqësisht mbeti i plagosur rëndë në Gjermani, pasi skela ku po punonin në katin e tetë të një pallati u shemb dhe ra në një bosht ashensori. 

Luan Cemenja: Quhet Alfred Dija nga mati. Është ende në gjendje kome, parametrat raportojnë se janë stabël. Shumë i dëmtuar. Mbushen 48 orë, presim informacion të ri. Aty ka qenë edhe një nga fshati im, unë jam nga Dibra, ai quhet Astrit Gjeka nga Selishta me origjinë, por familja e tij rri në Durrës. Është konfirmuar i vdekur ai, shumë i dëmtuar. Nipi im shkonte dhe vinte, ndërsa me datë 10 dhjetor mbush 2 muaj, me datë 2 dhjetor kishte prerë biletën për të ardhur dhe është aksidentuar. Nuk kam njohje tjetër, të tjerët më duket se janë nga Elbasani. Mundësia është pak, një vëlla i Afredit që rri në Itali ka shkuar të interesohet bashkë me kushërirën e tij. Mbajmë kontakte, ai në parametra është stabël me tendencë përmirësimi. 

Katër shqiptarë humbën jetën, ndërsa një tjetër u plagos rëndë dhe ndodhet në spital në gjendje kritike. Dyshohet se skela nuk ishte vendosur siç duhet dhe rreth 80 blloqe betonit ishin vendosur mbi të. Blloqet e betonit ishin vendosur në skelat midis katit të tretë dhe të katërt. Fillimisht u raportua se viktimat ishin bullgarë, por policia gjermane sqaroi më vonë se ishin shtetas shqiptarë./Dosja.al

aksident në gjermani alfred dija

Sondazh

Poll

MË SHUMË