Politike

FOTO- Tensione në korridoret e Kuvendit, opozita s'lejon ministrin të futet në mbledhje, rrëzojnë vazot me lule

Deputetët e opozitës kanë vendosur që veprimtaria parlamentare të bllokohet deri në momentin kur mazhoranca të plotësojë kërkesat e tyre siç janë komisionet hetimore si dhe ndryshimi i anëtarëve të Komisionit të Reformës Zgjedhore.

1 Nëntor 2023, 10:35 Nga A.B
FOTO- Tensione në korridoret e Kuvendit, opozita s'lejon ministrin
Foto nga Kuvendi

TIRANË- Tensione në korridoret e Kuvendit të Shqipërisë. Opozita po tenton që të mos lejojë zhvillimin e mbledhjes së Konferencës së Kryetarëve. Sikurse shihet në foto, një vazo me lule është rrëzuar në hyrje të sallës ku do të mbahet Konferenca e Kryetarëve.

Deputetët e PD-se nuk kanë lejuar ministrin e Financave, Mete që të futet në mbledhje.

Deputetët e opozitës kanë vendosur që veprimtaria parlamentare të bllokohet deri në momentin kur mazhoranca të plotësojë kërkesat e tyre siç janë komisionet hetimore si dhe ndryshimi i anëtarëve të Komisionit të Reformës Zgjedhore.

Kujtojmë se ditën e djeshme, Sekretariati për Procedurën, Votimin dhe Etikën ka vendosur të përjashtojë për 10 ditë nga punimet e Parlamentit deputetët demokratë Gazmend Bardhi, Bledion Nallbati, Flamur Noka, Edi Paloka, Albana Vokshi, për shkak se penguan zhvillimin normal të seancës plenare të ditës së hënë./Dosja.al

opozita ne kuvend

Sondazh

Poll

MË SHUMË