Sport

Wayne Rooney i ka zemëruar tifozët e Birminghamit Cityt vetëm pas dy ndeshjeve: "Kthehu dreqin në Amerikë!"

Wayne Rooney (37 vjeç) nuk po e ka filluar mirë të mandatit të tij në Birmingham City.

26 Tetor 2023, 18:20 Nga DOSJA
Wayne Rooney i ka zemëruar tifozët e Birminghamit Cityt vetëm pas

ANGLI - Skuadra e re e Rooneyt ka humbur dy ndeshjet e fundit në ligë dhe të parën me trajnerin e ri në stol. Fillimisht Birmingham humbi në Middlesbrough 1-0 dhe më pas humbi, në shtëpi me Hull City 0-2, që i zemëroi tepër tifozët…

"Kthehu dreqin në Amerikë!", një fans i bërtiti Wayne Rooney-t, vëren “Mirror”. Sipas mediave britanike, ish-sulmuesi i Manchester United është kritikuar shumë pas humbjes nga Hull City. Dy rezultatet e fundit nuk u pëlqyen aspak tifozëve të Birminghamit, duke qenë se skuadra humbi me dy “fqinjët” në renditje.

Birmingham tani është ngjitur në vendin e 12-të, vetëm dy pikë larg vendit të gjashtë, i cili siguron një vend në “play-off” për t'u ngjitur.

Në fazën tjetër, Birmingham City do të ketë një provë të vështirë ndaj Southampton, një nga skuadrat me pretendime për t'u ngjitur në Premier League. “Shenjtorët” janë në vendin e pestë në kampionat pas 13 xhirove.

Për Wayne Rooneyn nuk është eksperienca e parë në Championship. Ai gjithashtu stërviti Derby County, në “mandatin” e tij të parë në karrierën e tij si trajner.

B.T (Dosja.al)

Sondazh

Poll

MË SHUMË