Sport

VIDEO/ Kavara shpik, Raspadori shënon: Napoli 1-0 në Berlin dhe i dyti në grupin 'C'!...

Në “Olympiastadion”, Napoli fitoi ngushtë një ndeshje dhe u largua nga Braga në renditje: më afër të tetit.

25 Tetor 2023, 02:04 Nga DOSJA
VIDEO/ Kavara shpik, Raspadori shënon: Napoli 1-0 në Berlin dhe i dyti

GJERMANI - Napoli vuan, por nuk gabon në Champions League. Në ditën e tretë të Grupit “C”, skuadra e Garcias mundi 1-0 të fundin e grupit, Union Berlinin dhe kaloi përpara Bragës në renditje. 

Në “Olympiastadion”, ‘Azzurrët’ treguan një paraqitje cinike. Në pjesën e parë u zhvillua një ndeshje e ekuilibruar, me shumë duele fizike dhe me pak emocione. Më pas në pjesën e dytë shpik Kvara një aksion dhe Raspadori (65') nuk fal, duke shënuar golin e vetëm që do të vendosë fatin e ndeshjes me këmbën e majtë. Napoli renditet i dyti me 6 pikë, Union Berlini vazhdon me zero pike në fund të grupit. 

Pas Veronës, Berlin. Me rifillimin e garës për kampionatin, Napoli është rikthyer edhe në Champions League. Dhe ai e bën këtë me një paraqitje të ashpër që nuk heq përfundimisht dyshimet dhe hutimet për lojën blu, por që e vendos Garcia-n në një pozicion dukshëm më komod, krahasuar me disa javë më parë dhe që konfirmon qëndrueshmërinë dhe dëshirën e grupit për të luftuar. 

Kundër një skuadre të Union Berlin në vështirësi të mëdha, një shpikje nga Kvara dhe një këmbë e majtë nga Raspadori, mjaftuan që Napoli të mbyllte çështjen. Për pjesën tjetër, shumë vuajtje, pak spektakël, por tre pikë shumë të rëndësishme për rrugëtimin europian. 

B.T (Dosja.al)

Sondazh

Poll

MË SHUMË