Politike

Rama: Do ndërtohen dhe 3 kulla të larta të reja në Tiranë, i blejnë shqiptarët dhe të huajit

Po ashtu Rama e krahasoi Tiranën me Tel Aviv, ku theksoi se ka të njëjtin potencial për tu zhvilluar lart.

19 Tetor 2023, 22:30 Nga I.A
Rama: Do ndërtohen dhe 3 kulla të larta të reja në
Edi Rama

TIRANË- Kryeministri Edi Rama ka pranuar që do të ketë ndërtime të tjera të larta në kryeqytet. I ftuar në emisionin "Opinion" në Tv Klan, Rama u shpreh se sot janë dhënë 3 leje të reja për kulla. Për lartësinë e tyre, Rama u shpreh se do të jenë të njejta saç janë këto aktuale në vend.

"Kulla nuk janë ato me 10 apo 15 kate. Kulla janë ato mbi 20 kate. Janë dhënë sot edhe 3 të reja. Është dhënë një midis atyre të dyjave në qendër, njëra te bulevardi i ri dhe tjetra tek “21 dhjetori”. Janë të larta sa këto të fundit," tha Rama.

Po ashtu Rama e krahasoi Tiranën me Tel Aviv, ku theksoi se ka të njëjtin potencial për tu zhvilluar lart. Po ashtu theksoi se kullat i blejnë të huajit dhe shqiptarët që kanë punuar jashtë. 

Është fat që kemi arkitektët më të njohur që vijnë në vendin tonë. Tirana e ka potencialin për t’u zhvilluar lart njëlloj si Tel Avivi. Ne nuk kemi prishur trashëgiminë historike. E kemi mbrojtur atë. Rritja e densitetit të popullsisë në qendër sjell rritje ekonomike. I blejnë shqiptarë dhe të huaj. Çmimet janë të larta. Shqiptarët kanë sakrifikuar për shumë vite dhe përderisa i blejnë kanë para," tha Rama.

edi rama

Sondazh

Poll

MË SHUMË