Sport

Pochettino flet për të dëmtuarit e Chelsea… ja çfarë thotë edhe për Armando Brojën

Përditësimi i lajmeve nga kampi i Chelsea: Mauricio Pochettino po përballet me një valë të konsiderueshme dëmtimesh, teksa po përgatitet për t'u përballur me Aston Villa në Premier League.

18 Tetor 2023, 19:31 Nga DOSJA
Pochettino flet për të dëmtuarit e Chelsea… ja

ANGLI - Lista e dëmtimeve te “Blutë e Londrës është rritur, duke e lënë trajnerin Mauricio Pochettino, me mundësi të kufizuara për ndeshjen vendimtare të ardhshme.

Tekniku argjentinas dha një përditësim për gjendjen e Caicedos, duke thënë, “Moi (Caicedo) duhet ta vlerësojmë nesër, ai po stërvitet në mënyrë individuale, jo me ekipin deri më sot”. Gatishmëria e Caicedo për fundjavën mbetet e pasigurt.

Noni Madueke, një tjetër lojtar, i cili u rikthye nga detyra ndërkombëtare me ngërç, ka marrë pjesë në seancat stërvitore në grup. Pochettino komentoi statusin e tij, duke thënë: “Noni ishte i përfshirë edhe gjatë javës në stërvitje. Ndoshta na duhet një ditë më shumë, edhe për (Armando) Brojën, që mund të përfshihet, ndoshta.”

Duke folur për Armando Broja, sulmuesi i ri ka qenë jashtë fushës që nga dhjetori i vitit 2022 për shkak të një dëmtimi të ligamentit të kryqëzuar të përparmë. Pochettino nuk po i bën presion të panevojshëm sulmuesit shqiptar, për të cilin shprehet:

“Broja mbërriti dhe ndoshta do të përfshihet në fundjavë, por është pas nëntë muajsh që nuk konkurron. Nuk mund të presim që Broja të shënojë me çdo prekje; ai duhet të ndiejë konkurrencën”.

Përveç Caicedos, Chelsea ka edhe disa yje të tjerë që nuk kanë luajtur ende këtë sezon.  Gjithsesi me ndeshjen kundër Arsenalit që po afrohet dhe presioni në rritje ndaj Pochettinos, tifozët e Chelseat shpresojnë se yjet e tyre të lënduar mund të bëjnë një rikthim të shpejtë për të forcuar skuadrën.

B.T (Dosja.al)

Sondazh

Poll

MË SHUMË