Politike

Kërkesa për mbylljen e ‘Facebook’ të Arben Ahmetajt, Berisha: Rama i tmerruar nga denoncimet e vjedhjeve, super-skandal dixhital

Po ashtu Berisha shkruan se qëllimi i kësaj kërkese është frikësimi i Ahmetajt, që të mos denoncojë vjedhjet e Ramës dhe Veliajt.

17 Tetor 2023, 21:30 Nga I.A
Kërkesa për mbylljen e ‘Facebook’ të Arben Ahmetajt,
Sali Berisha

TIRANË- Kryetari i Partisë Demokratike, Sali Berisha ka komentuar kërkesën e SPAK i ka bërë kompanisë mëmë të Facebook META-së që të identifikojë dhe bllokojë faqen e Arben Ahmetajt në rrjetin social. Me anë të një postimi në Facebook, Berisha e quan këtë kërkesë një supër skandal dixhital. Po ashtu Berisha shkruan se qëllimi i kësaj kërkese është frikësimi i Ahmetajt, që të mos denoncojë vjedhjet e Ramës dhe Veliajt.

Postimi i Berishës:

Super skandal dixhital! Rama i tmerruar nga statuset në llogarinë e Facebook të Arben Ahmetaj, urdhëron SPAK-un të sekuestrojë Facebook-un e tij. Të dashur miq, sot Skapi i Partisë informoi opinionin se i ka kërkuar kompanisë Meta vendndodhjen sipas Facebook të Arben Ahmetaj. Sipas kësaj komunikate kjo qenka mënyre për të rënë në gjurmët dhe gjetur vendndodhjen e të zhdukurit Arben Ahmetaj. Kjo është një tallje me publikun. Është i mirënjohur fakti se pas këtij njoftimi, Arben Ahmetaj me një administrator mund t’i postojë statuset nga ndërtesa e Këshillit të Ministrave nga cepi i globit dhe këtë Skapi e din fort mirë.

Por kërkesa e Ramës nuk ka asnjë lidhje me gjetjen e vendndodhjes së Ahmetajt, mbasi ai këtu ishte dhe e njoftuan që të largohej një javë para se të lëshonin fletë-arrestin e tij. Kështu që qëllimi nuk është aspak vendndodhja, por është frikësimi i Ahmetajt, që të mos denoncojë vjedhjet e vet Ramës, Veliajt në Facebook. Ramës nuk i mbetet gjë tjetër vetëm të urdhërojë SPAK-un e Partisë të sekuestrojë valët e RFI, Radios Ndërkombëtare të Francës, që bash ditën e Samitit Europian denoncoi lidhjet e Ramës me drogën. 

sali berisha spak arben ahmetaj

Sondazh

Poll

MË SHUMË