Sport

Spanjolët thonë, se Barça të paktën duhet ta shumëzojë me 10 pagën e João Félix!...

Lojtari portugez aktualisht përfiton 400 mijë euro në vit

12 Tetor 2023, 14:37 Nga DOSJA
Spanjolët thonë, se Barça të paktën duhet ta

SPANJE - 'Radio Catalunha' zbuloi këtë të enjte se Barcelona do të ndryshojë kushtet e kontratës me João Félix, me lojtarin që merr katër milionë euro bruto në sezon, rreth 10 herë më shumë se shuma e rënë dakord fillimisht.

Ndërkombëtari portugez pranoi ta ulë ndjeshëm pagën e tij te Atlético Madrid me synim vetëm e vetëm për të luajtur me Barcelonën. Zv.presidenti Eduard Romeu ka konfirmuar në një intervistë për gazetën 'L'Esportiu' se Félix fitonte 400 mijë euro në vit.

“Po është e vërtetë”,- përgjigjet Romeu i pyetur për 400 mijë eurot. "Ky është rasti i një personi që bëri një bast shumë të rëndësishëm. Është shumë bukur të dëgjosh atë që dëgjuam nga një lojtar, që në klubin e tij nuk ishte në gjendjen e tij më të mirë dhe që ka pasur shikueshmëri të mrekullueshme këtu.

Por le të mos gënjejmë veten. Edhe klubi që na huazoi futbollistin është i interesuar që kjo të shkojë mirë”,- shtoi ai, duke iu referuar Atlético Madrid, mbajtësit aktual të të drejtave të sulmuesit portugez.

João Félix e filloi sezonin shumë mirë dhe Barça vendosi t'i ofronte një pagë më shumë në përputhje me vlerën e tij, megjithëse është ende larg 8 milionë bruto që merrte në sezon në Atlético Madrid.
Por edhe duke e shumëzuar me 10 pagën e tij aktuale, portugez vazhdon të ketë një nga pagat më të ulëta në skuadër ‘blaugrana’, ku ka lojtarë si Frenkie de Jong dhe Robert Lewandowski që i kalojnë 10 milionët.

B.T (Dosja.al)

Sondazh

Poll

MË SHUMË