Sport

VIDEO / Egnatia e pandalshme, shkërmoq Dinamon dhe mban kreun!

Egnatia ruan vendin e parë të renditjes, në kuotën e 16 pikëve, duke u konfirmuar si një nga ekipet më cilësore dhe të forta në këtë sezon.

6 Tetor 2023, 19:42 Nga DOSJA
VIDEO / Egnatia e pandalshme, shkërmoq Dinamon dhe mban kreun!

TIRANE - Egnatia u rikthye tek fitorja në përballjen e parë të javës së tetë, teksa mundi 3-0 Dinamo Cityn. Skuadra rrogozhinase bëri autokritikë pas humbjes minimale me Teutën, duke marrë pikët e plota ndaj kryeqytetasve. Dhe duke ruajtur vendin e parë në renditje.

Në fillimin e ndeshjes, Dinamo City u duk më agressive, por me kalimin e minutave gjërat nisën të ndryshonin. Dhe skuadra e Edlir Tetovës nisi të kontrollonte lojën. Në të 26-n, Gytis Paulauskas shfrytëzoi një top të hedhur nga Renato Malota, duke arritur që të mposhtë Bekim Rexhepin.


Vetëm 5 minuta më vonë, Arbin Zejnullai arriti të shënonte golin e dytë, duke ekzekutuar mjeshtërisht një goditje dënimi. Një gol spektakolar i 24-vjeçarit, që krijoi entuziazëm në stadium dhe qetësoi vendasit.


Në pjesën e dytë, Egnatia e administroi mirë rezultatin, teksa pati disa mundësi për të shënuar sërish. Dinamo city mbeti me 10 lojtarë në të 72-n, pasi Blend Krasniqi mori kartonin e dytë të verdhë.


Në fundin e sfidës, Alessandro Ahmetaj shënoi dhe golin e tretë për vendasit. Blutë e patën të vështirë për të përballuar Egnatian, teksa ngelen me 7 pikë. Po aq sa dhe Kukësi, me të cilin ndan vendin e fundit të renditjes.

Egnatia ruan vendin e parë të renditjes, në kuotën e 16 pikëve, duke u konfirmuar si një nga ekipet më cilësore dhe të forta në këtë sezon.

B.T (Dosja.al)

Sondazh

Poll

MË SHUMË