Sport

Argjentina dëshiron 'një copë më të madhe' në Kupën e Botës 2030: "Ne do të luftojmë për të pasur më shumë ndeshje"...

Ministri argjentinas i Turizmit dhe Sportit, Matías Lammens nis propozimin

5 Tetor 2023, 19:19 Nga DOSJA
Argjentina dëshiron 'një copë më të madhe'

ARGJENTINE - Matías Lammens, ministri argjentinas i Turizmit dhe Sporteve, tregoi synimin për të pasur më shumë ndeshje të Botërorit 2030, përtej atij të paralajmëruar.  “Ne do të luftojmë për më shumë, për të pasur më shumë ndeshje”, tha Lammens.

Presidenti i Federatës Argjentinase të Futbollit (AFA), Claudio Tapia, deklaroi këtë të enjte, se udhëheqësi më i lartë i FIFA-s, Gianni Infantino, "e mbajti fjalën" se vendi i Amerikës së Jugut do të ishte "një nga vendet" për Kupën e Botës 2030.

Në një konferencë për shtyp, të mbajtur në pronën që ka Federata Argjentinase e Futbollit (AFA) në Ezeiza (provinca e Buenos Aires) dhe e cila mori emrin e Lionel Messit, pas Botërorit 2022 në Katar, Tapia kujtoi udhëtimin e fundit të liderit zviceran në Argjentinë.

“Ai premtoi se Argjentina do të ishte një nga mikpritësit e Kupës së Botës 2030 dhe e përmbushi atë”,- tha lideri i futbollit, i cili shoqërohej nga ministrat argjentinas të ekonomisë Sergio Massa dhe ai sporti, Matías Lammens.

B.T (Dosja.al)

Sondazh

Poll

MË SHUMË