Aktualitet

Arrestohet mjeku në Rrëshen, i mori pacientit 100 euro

Mori një shumë parash, për të kryer një akt ekspertimi, vihet në pranga 63-vjeçari, me detyrë mjek ligjor në spitalin e Rrëshenit.

4 Tetor 2023, 15:38 Nga h.k
Arrestohet mjeku në Rrëshen, i mori pacientit 100 euro
Spitali i Rreshenit

MIRDITË-Një 63 vjeçar është vënë në pranga nga policia e Rrëshenit për përvetësim parash. I arrestuari me profesion mjek ligjor në spitalin e Rrëshenit ka marrë ryshfet në shumë 100 euro për të kryer një akt epskertim mjeko-ligjor.

Kallëzimi penal është kryer nga personi me inicialet Gj.S 55 vjeç në Policinë Vendore Lezhë. Policia po punon për hetimin e mëtejshëm të ngjarjes.

NJOFTIMI I POLICISË

Mori një shumë parash, për të kryer një akt ekspertimi, vihet në pranga 63-vjeçari, me detyrë mjek ligjor në spitalin e Rrëshenit. Sekuestrohet shuma 100 euro që mori i arrestuari. Si rezultat i administrimit të menjëhershëm të kallëzimit të shtetasit Gj. S., 55 vjeç, banues në fshatin Spiten, Lezhë, se një mjek ligjor i spitalit të Rrëshenit, i kishte kërkuar dhe i kishte marrë 100 euro për të kryer një akt ekspertimi mjeko-ligjor për një çeshtje të 55-vjeçarit, specialistët e Seksionit për Hetimin e Krimeve Ekonomiko-Financiare të Drejtorisë Vendore të Policisë Lezhë arrestuan në flagrancë shtetasin Z. P., 63 vjeç, banues në Rrëshen, me detyrë mjek ligjor në spitalin e Rrëshenit. 

Gjithashtu, në vijim të veprimeve procedurale për këtë rast u sekuestrua si provë materiale, shuma 100 euro që 63-vjeçari i mori shtetasit Gj. S., në kundërshtim me ligjin. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale "Korrupsioni pasiv i personave që ushtrojnë funksione publike". Ky rast është ndjekur në bashkëpunim me gazetarët e emisionit investigativ "Piranjat", ndaj Drejtoria Vendore e Policisë Lezhë i falënderon ata. Gjithashtu, fton gazetarët dhe qytetarët që të denoncojnë çdo paligjshmëri, duke iu garantuar reagim të menjëhershëm dhe të paanshëm, konform ligjit.

arrestimi mjekut ne rreshen

Sondazh

Poll

MË SHUMË