Aktualitet

Kultivoi drogë në oborr dhe e thante në magazinë, arrestohet 43-vjeçari në Krujë (EMRI)

Në kuadër të operacionit "Spot", policia ka sekuestruar 4.9 kg lëndë e dyshuar narkotike në proces tharjeje dhe ka asgjësuar bimët narkotike.

4 Tetor 2023, 15:19 Nga r.ll
Kultivoi drogë në oborr dhe e thante në magazinë, arrestohet
foto ilustruese

KRUJË-Një 43-vjeçar është arrestuar për kultivim të lëndëve narkotike në oborrin e banesës dhe kishte përshtatur një magazinë për tharjen e bimëve. Mësohet se në pranga është vënë Ardjan Hidraliu.

Në kuadër të operacionit "Spot", policia ka sekuestruar 4.9 kg lëndë e dyshuar narkotike në proces tharjeje dhe ka asgjësuar bimët narkotike.

NJOFTIMI I POLICISË:

Finalizohet operacioni policor i koduar "Spot", për goditjen e veprimtarive kriminale në fushën e narkotikëve.

Kishte kultivuar bimë narkotike, në oborrin e banesës së tij, dhe kishte përshtatur një magazinë, për tharjen e tyre, vihet në pranga 43-vjeçari.

Sekuestrohen 4.9 kg lëndë e dyshuar narkotike në proces tharjeje, asgjësohen bimët narkotike.

Shërbimet e Komisariatit të Policisë Krujë, në bashkëpunim me AMP, në vijim të punës për garantimin e rendit dhe sigurisë, evidentimin dhe goditjen e veprimtarive kriminale, kapjen në flagrancë të shtetasve që kryejnë vepra penale, bazuar në informacionet e siguruara për një rast të kultivimit të bimëve narkotike, kanë organizuar dhe finalizuar operacionin policor të koduar "Spot".

Si rezultat i këtij operacioni u bë kapja dhe arrestimi në flagrancë i shtetasit A. H., 43 vjeç, banues në Thumanë.

43-vjeçari kishte kultivuar bimë narkotike në oborrin e banesës së tij dhe në afërsi të saj kishte përshtatur një ambient (magazinë), për tharjen e bimëve narkotike.

Gjatë kontrollit, shërbimet e Policisë gjetën rreth 4.9 kg lëndë të dyshuar narkotike kanabis në proces tharjeje, e cila u sekuestrua në cilësinë e provës materiale. Gjithashtu, shërbimet e Policisë asgjësuan me anë të djegies bimët narkotike që ishin kultivuar në këtë hapësirë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

operacioni korçë

Sondazh

Poll

MË SHUMË