Sport

Britania e Madhe dhe Irlanda, të vetmet në garë për të organizuar “Euro 2028”

Kandidatura e përbashkët e Mbretërisë së Bashkuar dhe Irlandës, është tashmë e vetmja në garë për organizimin e “Euro 2028”. Turqia pret edicionin e vitit 2032 krahas Italisë.

4 Tetor 2023, 15:24 Nga DOSJA
Britania e Madhe dhe Irlanda, të vetmet në garë për të

ANGLI - Oferta e përbashkët e Mbretërisë së Bashkuar dhe Irlandës për të pritur “Euro 2028” tani nuk ka kundërshtar. Turqia në fakt e ka tërhequr zyrtarisht dosjen e saj për t'u përqëndruar në organizimin e edicionit të ardhshëm me Italinë, tha UEFA të mërkurën.

Mbretëria e Bashkuar dhe Irlanda, të cilat kishin hequr dorë nga synimi për të organizuar Kupën e Botës 2030, në favor të organizimit të turneut evropian dy vjet më parë, janë tashmë favoritë të mëdhenj. Për këtë arsye, përcaktimi i dyfishtë i mikpritësve për edicionet 2028 dhe 2032 të Euros duken të fituar.

Turqia, një kandidate e pasuksesshme për të pritur çdo Euro që nga viti 2008, ishte fillimisht në garë për të dy edicionet, por në korrik bashkoi dosjen e saj me atë të Italisë për “Euro 2032”, pa thënë në atë kohë se çfarë do të ndodhte me ambiciet e saj për vitin 2028.

Por UEFA konfirmoi këtë të mërkurë, se Federata Turke e kishte tërhequr kandidaturën e saj për organizimin e “Euro 2028, duke e lënë secilin prej dosjeve të vetëm në garë, për dy edicionet që Komiteti Ekzekutiv i saj do të japë të martën.

Anglia priti më parë “Euro 1996”, ndërsa Italia priti edicionet e 1968 dhe 1980. Turqia nuk e ka pritur kurrë këtë ngjarje, por Stambolli priti finalen e Champions League më 10 qershor. Para këtyre dy edicioneve, sikurse dihet “Euro 2024” do të zhvillohet në Gjermani nga data 14 qershor deri më 14 korrik.

B.T (Dosja.al)

Sondazh

Poll

MË SHUMË