Sport

Gara më e turpshme në historinë e atletikës…shikoni çfarë ndodh! – VIDEO

Është interesant fakti se shtatë konkurrentë kanë përmendur se kanë patur probleme me musklaturën dhe për këtë arsye janë tërhequr nga gara dhe kjo u ka ndodhur të gjithëve në minutën e fundit.

29 Shtator 2023, 08:02 Nga DOSJA
Gara më e turpshme në historinë e atletikës…shikoni

INDI - Finalja e 100 metrave për meshkuj në Kampionatin Kombëtar Indian të Atletikës mund të përshkruhet lehtësisht si gara më e turpshme në historinë e sportit. Nga tetë konkurrentët, vetëm një e filloi dhe e përfundoi garën, ndërsa shtatë prej tyre u tërhoqën pak para garës.

Arsyeja e arratisjes së shtatë konkurrentëve është shfaqja e kontrollit antidoping në stadiumin e Nju Delhit. Të gjithë përveç Lalit Kumar kanë ikur nga pista, ndaj indiani i përmendur është i vetmi person që ka dalë i pastër nga kjo aferë.

Është interesant fakti se shtatë konkurrentë kanë përmendur se kanë patur probleme me musklaturën dhe për këtë arsye janë tërhequr nga gara dhe kjo u ka ndodhur të gjithëve në minutën e fundit.

Një skenë e ngjashme ndodhi edhe në disiplina të tjera, por disa nga garuesit u dorëzuan, jo siç ndodhi në 100 metra. Madje disa garues, të cilët përfunduan garën e tyre para ardhjes së kontrollit antidoping, nuk pranuan të paraqiteshin në ceremoninë e medaljeve, nga frika e kontrollit të mëvonshëm.

Sipas raportit të Agjencisë Botërore Anti-Doping të publikuar në maj, India është në krye të listës botërore të vendeve që shkelin rregullat.

B.T (Dosja.al)

Sondazh

Poll

MË SHUMË