Sport

Zidane, mysafiri i papritur i Beckhamit, për të parë finalen e US Open Cup...

Francezi Zinedine Zidane ishte mysafiri special në finalen e Inter Miami vs Houston Dynamo, në të cilën Messi nuk luajti.

28 Shtator 2023, 20:31 Nga DOSJA
Zidane, mysafiri i papritur i Beckhamit, për të parë finalen e US

SHBA - Ndërkohë që Inter Miami po priste dhe shpresonte që Messi të ishte në formë, pikërisht deri në fillimin e ndeshjes finale të US Open Cup kundër Houston Dynamo, stadiumi DRV PNK pati një mysafir të papritur. Trajneri francez Zinedine Zidane ishte i pranishëm në ndeshjen, të cilën Houston Dynamo e fitoi 2-1.

Në një postim në rrjetet sociale nga US Open Cup, mund të shihni se si fituesi i tre Champions League si trajner dhe dy si lojtar i Real Madrid mbërriti në stadium për të takuar ish-shokun e tij të skuadrës David Beckham, tani një nga pronarët e Inter Miamit.

Takimi ‘galaktik’ në US Open Cup

Zidane dhe Beckham ishin pjesë e atij brezi të njohur si 'galaktikët' e Real Madridit, që përkoi me Roberto Carlos, Iker Casillas, Luis Figo, Raul González, ndër shumë të tjerë.

Pavarësisht kësaj, marrëdhënia mes të dyve, ishte paksa e komplikuar në fillim, edhe pse në fushë ata kuptoheshin në mënyrë perfekte. 

Vetë Zidane ka rrëfyer se ka pasur vështirësi me marrëdhënien e tij me Beckhamin, sepse “Unë nuk flas anglisht dhe ai nuk flet spanjisht, është e vështirë”. Megjithatë, me kalimin e viteve, lidhja e miqësisë mes të dyve u forcua.

“Lojtari im i preferuar me të cilin kam luajtur është Zidane, teknikisht ai ishte mbresëlënës. Nga ana tjetër, lojtari më i vështirë me të cilin jam përballur është Roberto Carlos”,- ka thenë Beckham pak muaj më parë.

B.T (Dosja.al)

Sondazh

Poll

MË SHUMË