Aktualitet

Ambasada e SHBA-së mbështet SPAK: Përparim mbresëlënës në objektivat e Shqipërisë për reformën në drejtësi

Me imazhet nga takimi, ambasada ka vlerësuar punën e SPAK dhe njoftoi se ka mbështetjen e plotë për të kryer misionin e tij në emër të popullit shqiptar.

28 Shtator 2023, 16:40 Nga f.i
Ambasada e SHBA-së mbështet SPAK: Përparim
pamje nga takimi

TIRANË- I Ngarkuari me Punë në ambasadën e SHBA-ve, David Wisner ka zhvilluar një takim me Kryeprokurorin e Posaçëm të SPAK-ut Altin Dumani, prokurorët e SPAK-ut dhe hetuesit e NBI-së që po punojnë për të çrrënjosur krimin e organizuar dhe korrupsionin në Shqipëri.

Në një postim në Facebook me imazhet nga takimi, ambasada ka vlerësuar punën e SPAK dhe njoftoi se ka mbështetjen e plotë për të kryer misionin e tij në emër të popullit shqiptar.

“SPAK po bën përparim mbresëlënës në objektivat e Shqipërisë për reformën në drejtësi. Sot, i Ngarkuari me Punë David Wisner dhe kolegët e Ambasadës së SHBA-së që mbështesin sektorin e drejtësisë u takuan me Kryeprokurorin e Posaçëm të SPAK-ut Altin Dumani, prokurorët e SPAK-ut dhe hetuesit e NBI-së që po punojnë për të çrrënjosur krimin e organizuar dhe korrupsionin në Shqipëri. Puna e SPAK dhe të tjerëve në sektorin e drejtësisë kërkon guxim, integritet dhe pasion të jashtëzakonshëm. Z. Wisner përcolli vlerësimin e Shteteve të Bashkuara për punën e SPAK, duke theksuar se ai ka mbështetjen tonë të plotë për të kryer misionin e tij në emër të popullit shqiptar.”

spak ambasada e shba

Sondazh

Poll

MË SHUMË