Sport

“Sherr” në UEFA! Drejtorja e operacioneve, akuzon Ceferinin: “U paraqitën prova të rreme për të mbuluar një mik të presidentit”

Kreu i futbollit europian akuzohet se ishte përpjekur të mbronte shefin e njësisë së sigurisë, Zeljko Pavlica, i cili është njëkohësisht një nga miqtë e tij më të mirë.

27 Shtator 2023, 10:47 Nga DOSJA
“Sherr” në UEFA! Drejtorja e operacioneve, akuzon Ceferinin:

ANGLI - Një zbulim që vjen drejtpërdrejt nga “The Guardian” rrezikon të vendosë në krizë pozicionin e Aleksander Ceferin, presidentit të UEFA-s dhe disa prej bashkëpunëtorëve të tij. 

Tema janë trazirat e ndodhura në Paris në hapësirat e finales së Champions League 2022 mes Liverpool dhe Real Madrid dhe menaxhimi i tyre nga UEFA. Shtëpia e futbollit europian kishte urdhëruar një hetim të brendshëm, i cili megjithatë sipas asaj që del tani, do të ishte sabotuar nga brenda, me vetë Ceferini i përfshirë.

Akuza vjen nga Sharon Burkhalter-Lau, drejtore operacionale e UEFA-s në kohën e ngjarjeve, një specialiste në menaxhimin e ngjarjeve, i cili në kohën e finales problematike ishte i dyti në komandë. Sipas asaj që kjo e fundit hipotezoi, Ceferin ishte përpjekur të mbronte shefin e njësisë së sigurisë, Zeljko Pavlica, i cili është njëkohësisht një nga miqtë e tij më të mirë.

Komisioni i ngritur nga UEFA për të hetuar ngjarjet kishte përcaktuar shkakun e dështimit organizativ në divizionin e krijuar nga Burkhalter-Lau, por sipas versionit të paraqitur nga gazeta angleze, nuk është kështu. 

Megjithatë, gruaja i dërgoi një shënim sekretarit të përgjithshëm të UEFA-s, Theodore Theodoridis, duke i cilësuar provat e ofruara, si "plotësisht të rreme" dhe gjithashtu nënvizonte rolin e policisë së Parisit, të cilin UEFA nuk kishte si ta shqyrtonte.

Gjithçka sillet rreth "mbrojtjes" që do t'i ishte garantuar Pavlicës, ish-shefit të sigurimit të presidentit slloven Drnovsek, mik i Ceferin për dekada, i cili gjithashtu veproi si njeriu i mirë në dasmën e tij. 

Historitë e të dyve duken gjithashtu mjaft të lidhura: në vitin 2011, pak pasi Ceferin u emërua president i Federatës Sllovene të Futbollit, Pavlica mori punën e tij të parë në futbollin e vendit. Më pas ai kaloi në UEFA: fillimisht me kohë të pjesshme, pas zgjedhjeve të fituara nga Ceferin në 2016, ai mundi të gëzonte një promovim që i garantoi një rol të përhershëm në futbollin europian.

B.T (Dosja.al)

Sondazh

Poll

MË SHUMË