Aktualitet

EMRI/ Arrestohet ish-punonjësi i Prokurorisë së Kukësit, lehtësoi masën e sigurisë për një dënuar

Cengut i është caktuar masa e sigurisë arrest me burg për ushtrim i ndikimit të profesionit në mënyrë të paligjshme.

26 Shtator 2023, 18:10 Nga I.A
EMRI/ Arrestohet ish-punonjësi i Prokurorisë së Kukësit,
Policia

KUKËS- Avokati Arjan Cengu është arrestuar pasditen e sotme për shpërdorim detyre. Mësohet se Cengu në vitin 2021, kur ishte punonjës në Prokurorinë e Kukësit ka ndërhyrë që të lehtësonte masën e sigurisë për një të arrestuar. Cengut i është caktuar masa e sigurisë arrest me burg për ushtrim i ndikimit të profesionit në mënyrë të paligjshme.

Njoftimi i Policisë:

Policia e Shtetit Ndikoi në mënyrë të paligjshme, në vitin 2021 kur ishte punonjës në Prokurorinë e Kukësit, me qëllim që të lehtësohej një masë sigurie, vihet në pranga 38-vjeçari, aktualisht me profesion avokat. Ndalimi i këtij shtetasi, rezultat i bashkëpunimit ndërmjet Drejtorisë së Forcës së Posaçme Operacionale, në DPPSH, dhe Drejtorisë Vendore të Policisë Kukës. Shërbimet e Policisë, në zbatim të urdhrit të prokurorit të Prokurorisë së Posaçme kundër Korrupsionit dhe Krimit të Organizuar, ndaluan në Kukës dhe vunë në pranga shtetasin A. C., 38 vjeç, banues në Kukës.

Ndaj 38-vjeçarit është caktuar masa e sigurisë “Arrest në burg”, për veprën penale “Ushtrimi i ndikimit të paligjshëm ndaj personave që ushtrojnë funksione publike”, pasi dyshohet se më datë 05.03.2021, kohë kur shtetasi A. C. ka qenë punonjës në Prokurorinë e Kukësit, ka ushtruar ndikim të paligjshëm, për të lehtësuar masën e sigurisë, të caktuar ndaj shtetasit F. I. Materialet procedurale i kaluan Prokurorisë së Posaçme kundër Korrupsionit dhe Krimit të Organizuar, për veprime të mëtejshme.

arjan cengu

Sondazh

Poll

MË SHUMË