Sport

Arda Güler i pafat! Talenti u dëmtua sërish në prag të debutimit me Real Madridin...

I riu turk Güler ishte afër rikthimit të tij në fushë dhe madje ishte në garë për të luajtur kundër Las Palmas të mërkurën

26 Shtator 2023, 17:28 Nga DOSJA
Arda Güler i pafat! Talenti u dëmtua sërish në prag të

SPANJE - Ylli i Real Madridit, Arda Güler është rikthyer në tryezën e trajtimit menjëherë, pasi u largua prej saj. Është një goditje mizore për të riun, i cili ishte gati të paraqitej në skuadrën e Carlo Ancelottit për herë të parë në ndeshjen e së mërkurës në La Liga në shtëpi ndaj Las Palmas.

Edhe sa kohë do të jetë jashtë Gyler? Kur mund të jetë debutimi i tij?

Sulmuesi u tërhoq drejt fundit të seancës stërvitore të së martës dhe testet kanë treguar se ai ka pësuar një dëmtim në kofshë, i cili pritet ta mbajë jashtë fushës për dy deri në tre javë të tjera. Kjo do të thotë se debutimi i tij nuk do të vijë deri pas pushimit të radhës ndërkombëtar, midis 9 dhe 17 tetorit (më së shpejti larg në Sevilla më 21 tetor).

‘Los Blancos’ lëshuan një deklaratë në faqen e tyre të internetit rreth një orë, pasi  Ancelotti e kishte lavdëruar atë në konferencën e tij për shtyp para ndeshjes me Las Palmas: “Ai është i disponueshëm për nesër. Ai ka nevojë për kohë loje, pak kondicionim fizik dhe për t'u mësuar me stilin e lojës së ekipit, por ai është i gatshëm për ndeshje. Në kohën e tij me ne, ai ka treguar se ka talent të jashtëzakonshëm; është në gjakun e tij”,- tha italiani, duke mos qenë i vetëdijshëm për ashpërsinë e dëmtimit të Gylerit në terren.

Çështja e kofshës vjen pas dëmtimit të gjurit

Që kur u transferua në Spanjë nga Fenerbahçe në korrik, 18-vjeçari nuk ka luajtur asnjë minutë për Real Madridin. Ai dëmtoi gjurin e tij të djathtë në turneun parasezonal në Shtetet e Bashkuara, me testet që zbuluan një problem me meniskun e tij. Pas një periudhe rehabilitimi, ai iu nënshtrua një operacioni të vogël, për të hequr disa mbeturina në gju, që është një procedurë e zakonshme. Güler ishte rikuperuar plotësisht nga dëmtimi dhe nuk kishte treguar shenja të ndonjë efekti të qëndrueshëm.

Në pjesën më të madhe të seancës së së martës, turku kishte bërë saktësisht të njëjtën stërvitje si pjesa tjetër e shokëve të tij të skuadrës, duke e bindur Ancelottin se ishte gati të përballej me Las Palmas. Në fund të fundit, megjithatë, ai ka pësuar një dëmtim të dytë në pak më shumë se dy muaj, këtë herë pikërisht në ditën kur do të kthehej.

B.T (Dosja.al)

Sondazh

Poll

MË SHUMË