Aktualitet

Operacioni "Tempulli"/ Procedohet penalisht 19-vjeçari në Dibër, u kap duke shitur drogë në afërsi të një shkolle

21 Shtator 2023, 09:34 Nga r.ll
Operacioni "Tempulli"/ Procedohet penalisht 19-vjeçari në
foto ilustruese

DIBËR-Një 19-vjeçar është proceduar penalisht në Peshkopi, pasi u kap në afërsi të një shkolle me një sasi të vogël lënde narkotike. 

Në kuadër të megaoperacionit "Tempulli", u evidentua se në afërsi të perimetrit të sigurisë së një shkolle të mesme në qytetin e Peshkopisë, shiteshin doza të vogla droge.

Policia shoqëroi në komisariat 19-vjeçarin të cilit gjatë kontrollit fizik iu gjet dhe sekuestrua një sasi e vogël lënde narkotike e ndarë në doza. I riu u procedua penalisht, ndërsa vijojnë hetimet e operacionit policor.

NJOFTIMI I POLICISË: 

Qarku Dibër/Vijon megaoperacioni policor “Tempulli” dhe zbatimi i masave të sigurisë në shkolla. U kap në afërsi të perimetrit të sigurisë së një shkolle, me një sasi të vogël lënde narkotike në doza, procedohet penalisht 19-vjeçari.

Policia e Dibrës në zbatim të masave të sigurisë në shkolla, për parandalimin dhe goditjen e shitjes së lëndëve narkotike në afërsi të shkollave dhe nxënësve të shkollave, si dhe në kuadër të megaoperacionit "Tempulli", është siguruar informacion se në afërsi të perimetrit të sigurisë së një shkolle të mesme në qytetin e Peshkopisë, shiteshin doza të lëndës narkotike cannabis sativa menjëherë është ndërhyrë për goditjen e këtij rasti.

Si rezultat shërbimet e Policisë, kapën dhe shoqëruan shtetasin F.Rr., 19 vjeç, banues në Dibër, të cilit gjatë kontrollit fizik iu gjet dhe sekuestrua një sasi e vogël lënde narkotike e ndarë në doza.

19-vjeçari, në përfundim të veprimeve të para hetimore është proceduar penalisht, ndërkohë që në bashkëpunim me Prokurorinë, vijojnë hetimet e thelluara për identifikimin dhe kapjen e personave të tjerë të implikuar në këtë veprimtari kriminale. Megaoperacioni policor i koduar “Tempulli”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Operacioni antidrogë që u shtri në gjithë vendin çoi në goditjen e 23 grupeve kriminale që trafikonin drogë në afërsi të shkollave dhe ambienteve të ndryshme dhe çoi në arrestimin e mbi 230 personave. Arrestimet e megaoperacionit vijojnë ende në qytete të ndryshme të vendit. 

operacioni

Sondazh

Poll

MË SHUMË