Sport

VIDEO / Al Nassr dhe Ronaldo debutojnë me fitore në Champions-in Aziatik!

Al Nassr dhe Cristiano Ronaldos debutuan në AFC Champions League (Champions League e Azisë) me një fitore 2-0 jashtë fushe kundër Persepolis në stadiumin Azadi në Grupin E të edicionit 2023/24 të martën.

19 Shtator 2023, 22:40 Nga DOSJA

TEHERAN - Skuadra mike pësoi një goditje që në minutat e para të ndeshjes pasi sulmuesi me përvojë Mehdi Torabi u desh të zëvendësohej brenda dhjetë minutave lojë, dhe ai që e ndërroi ishte Shahab Zahedi.

Prova e parë për portierin e Persepolis, Alireza Beiranvand, erdhi në minutën e 20-të, kur mbrojtja e tij nuk arriti të largonte topin siç duhet, duke e lejuar atë t'i binte mbrojtësit të djathtë Sulltan Al Ghannam, i cili e ktheu me kokë në anën tjetër të zonës për Cristiano Ronaldon, që goditi me kokë nga afër, por portieri kundërshtarë reagoi mjaft mirë.

Në pjesën e dytë ndryshoi edhe rezultati. Brenda vetëm dhjetë minutave, Al Nassr përfitoi nga epërsia e tyre numerike teksa Brozovic shkëmbeu një pasim të shpejtë me Ronaldon, duke marrë pasimin e kthimit brenda zonës së Persepolis në të majtë dhe duke asistuar më pas për Abdulrahman Ghareeb, i cili shënoi golin e hapjes për skuadrën mike në minutën e 62-të.

Ghareeb u kthye nga golashënuesi në asistues në minutën e 72-të, shërbyer për Mohammed Qassem, i cili e kaloi topin pas portierit nga një kënd i ngushtë për të dyfishuar epërsinë e Al Nassr dhe me këto shifra u mbyll i gjithë takimi.