Politike

Bajram Begaj merr me vete në SHBA, parukieren e gruas dhe burrin e shoqërueses së saj, i konsideron si këshilltarë

Së bashku me Presidentin Begaj kanë shkuar dhe 22 persona të tjerë, si këshilltarë, gazetar, zonja e parë Armanda Begaj si dhe parukierja e zonjës së parë. 

17 Shtator 2023, 19:50 Nga I.A
Bajram Begaj merr me vete në SHBA, parukieren e gruas dhe burrin e
Bajram Begaj

TIRANË- Presidenti Bajram Begaj është nisur ditën e sotme në SHBA, për të marrë pjesë në punimet e Organizatës së Kombeve të Bashkuara në New York. Së bashku me Presidentin Begaj kanë shkuar dhe 22 persona të tjerë, si këshilltarë, gazetar, zonja e parë Armanda Begaj si dhe parukierja e zonjës së parë. 

Në listën e publikuar për mediat, Lili Ismaili, ka shkuar në New York si këshilltare e Jashtme e Presidentit. Por në një kërkim, rezulton se Lili Ismaili është parukierja e zonjës së parë Armanda Begaj dhe jo Këshilltare e Jashtme. Në rrjetin social, Instagram ku dhe promovon punën e saj. Ismaili, nuk ka ngurruar të hedh herë pas here foto të stilimeve që i ka bërë zonjës së parë.

Por kjo nuk është e vetmja, pasi në listën e nxjerr nga Presidenca shohim dhe Asllan Baraj dhe Zhaneta Hashorva, të cilët kanë shkuar në New York. Sipas listës Baraj është Këshilltar i Jashtëm, por që në faqen zyrtare të Presidencës nuk emri i tij nuk figuron. Ndërsa Zhaneta Hashorva është shoqëruesja e Zonjës së Parë. Por sipas një kërkimi shihet që Baraj dhe Hashorva janë çift dhe kanë një kompani së bashku me emrin "Euro Ceramica".

bajram begaj armanda begaj lili ismaili asllan baraj zhaneta hashorva

Sondazh

Poll

MË SHUMË