Politike

Kë njihni si kryetar të PD-së? Bardhi: Nuk njoh askënd! Unë njoh vendimin e organit me të lartë drejtues të partisë

Bardhi në përgjigjen e tij u shpreh se aktualisht nuk ka një drejtues të ligjshëm.

16 Shtator 2023, 17:48 Nga f.i
Kë njihni si kryetar të PD-së? Bardhi: Nuk njoh askënd!
Gazment Bardhi

TIRANË- Deputeti Gazment Bardhi është shprehur së fundmi se është e pavend që kreun e Grupit Parlamentar të PD-së ta caktojë maxhoranca. Gjatë një interviste në News 24, ai u pyet se kë njeh si kryetartë partisë demokratike dhe në përgjigjen e tij u shpreh se aktualisht nuk ka një drejtues të ligjshëm.

“Në këtë moment nuk ka kryetar të PD. Sipas vendimit të Këshillit Kombëtar, vendimmarrja për drejtimin e përkohshëm të partisë është shtyrë për një moment tjetër. Për mua PD nuk lidhet me emrin e një individi, por me sakrificën dhe mundin e mijëra njerëzve që duan ta shohin këtë parti të fortë. Unë nuk jam i detyruar të njoh askënd që është i paligjshëm. Unë njoh vlerat demokratike, s’jam i detyruar as ta njoh, as t’i shkoj pas një rrugë që të çon drejt humnerës, apo t’i bie murit me kokë,"-u shpreh Bardhi.

 

gazment bardhi

Sondazh

Poll

MË SHUMË