Politike

Kryeson delegacionin shqiptar në Asamblenë e OKB, presidenti Begaj niset drejt SHBA-së

Sipas njoftimit nga Presidenca, kreu i shtetit do të marrë pjesë në Forumin e Nivelit të Lartë Politik për Zhvillimin e Qëndrueshëm si dhe pritet të zhvillojë takime dypalëshe me krerë të tjerë shtetesh dhe zyrtarë të lartë amerikanë, por edhe me përfaqësues të shoqatave të diasporës shqiptare në SHBA.

17 Shtator 2023, 13:28 Nga a.l
Kryeson delegacionin shqiptar në Asamblenë e OKB, presidenti Begaj
Bajram Begaj

Presidenti i vendit, Bajram Begaj u nis këtë të diel drejt SHBA, ku do të kryesojë delegacionin shtetëror shqiptar në Asamblenë e Përgjithshme të OKB-së që nis punimet më 20 shtator, ndërsa do të mbajë edhe fjalën e tij.

Sipas njoftimit nga Presidenca, kreu i shtetit do të marrë pjesë në Forumin e Nivelit të Lartë Politik për Zhvillimin e Qëndrueshëm si dhe pritet të zhvillojë takime dypalëshe me krerë të tjerë shtetesh dhe zyrtarë të lartë amerikanë, por edhe me përfaqësues të shoqatave të diasporës shqiptare në SHBA.

Në OKB, Shqipëria do të drejtojë dy takime të rëndësishme, takimin për bashkëpunimin për shpërndarjen e shpejtë dhe efektive të ndihmave humanitare kudo në botë në kohë krizash, në situata lufte, apo në situata katastrofash natyrore.

Shqipëria e mori për herë të parë Presidencën në Këshillin e Sigurimit të Kombeve të Bashkuara në periudhën 1 qershor – 30 qershor 2022. Vendi ynë u zgjodh anëtarë e përkohshme e institucionit më të rëndësishëm të sigurisë në glob me votë thuajse unanime nga Asambleja e Përgjithshme për një mandat i cili filloi në janarin e vitit 2022 dhe përfundon në fund të 2023. 

bajram begaj

Sondazh

Poll

MË SHUMË