Sport

Shpëton Fernando Santos, polakët i japin edhe një mundësia e dytë portugezit!...

Trajneri portugez ka tre humbje jashtë vendit ndaj kombëtares polake por mbetet në stol

12 Shtator 2023, 21:39 Nga DOSJA

Shpëton Fernando Santos, polakët i japin edhe një mundësia e

POLONI - Ecuria e deritanishme e kombëtares polake në grupin “E” kualifikues të “Euro 2024” është dëshpëruese, pasi numëron vetëm dy fitore në shtëpi (2-0 ndaj Ishujt Faroe dhe 1-0 me Shqipërinë) dhe tre humbje jashtë (3-1 në Çeki, 3-2 në Moldavi, 2-0 në Shqipëri) dhe e ka vështirësuar në mënyrë të paimagjinueshme pozicionin e saj.

Humbja e fundit nga Shqipëria e bëri edhe më të “rënduar” atmosferën për trajnerin Fernando Santos, i cili mori drejtimin në 24 janar, por tani për tani, Poloninë e ka të “ngulur” në vendin e 4-të dhe dy pikë prapa Çekisë dhe Moldavisë.

Pavarësisht se ditët e fundit ka pasur presion shumë të madh për t'i dhënë fund bashkëpunimit me trajnerin portugez, mediat polake raportuan të martën se federata është e gatshme ta mbështesë dhe t'i jape edhe një shans të dytë deri në finale të serisë kualifikuese.

Paraditen e së martës, Santos u takua për më shumë se dy orë me zyrtarë të lartë të federatës polake dhe u vendos që të vazhdojnë kursin e tyre të përbashkët, ndërsa do ta mbështesë edhe nëse skuadra polake nuk fiton një nga dy vendet e para, duke pasur një shans të fundit në “Final Four” të Nations League.

B.T (Dosja.al)

Sondazh

Poll

MË SHUMË