Politike

Ndryshimet në qeveri/ Presidenti Begaj dekreton shkarkimet dhe emërimet e ministrave të rinj (DOKUMENTET)

Vendimet e kryeministrit Rama për të ndryshuar drejtimin e shtatë ministrive mbërritën 3 ditë më parë institucionin e Presidencës në pritje të një firme nga Bajram Begaj, i cili ndodhej për vizitë në Kazakistan.

9 Shtator 2023, 10:32 Nga A.B
Ndryshimet në qeveri/ Presidenti Begaj dekreton shkarkimet dhe
Bajram Begaj

TIRANË- Presidenti i Republikës Bajram Begaj ka dekretuar sot (9 shtator) shkarkimet dhe emërimet e ministrave të rinj.

Vendimet e kryeministrit Edi Rama për të ndryshuar drejtimin e shtatë ministrive mbërritën 3 ditë më parë institucionin e Presidencës në pritje të një firme nga Bajram Begaj, i cili ndodhej për vizitë në Kazakistan.

Të hënën, Rama njoftoi ndryshimin e 40% të kabinetit të tij qeveritar, duke lëvizur 7 ministra nga drejtimi i dikastereve përkatëse. Tashmë priten që këto vendime të votohen të hënën në Kuvend. 

Ndryshimet në qeveri/ Presidenti Begaj dekreton shkarkimet dhe

Emrat e ministrave që ikin dhe të atyre që vijnë:

-Ministër i Financave dhe Ekonomisë - Emërohet Ervin Mete; Largohet Delina Ibrahimaj

-Ministër Shteti për Sipërmarrjen dhe Klimën e Biznesit - Emërohet Delina Ibrahimaj; Largohet Edona Bilali

-Ministre e Shëndetit dhe Mirëqenies Sociale - Emërohet Albana Koçiu; Largohet Ogerta Manastirliu

-Ministër i Arsimit dhe Sporti - Emërohet Ogerta Manastirliu; Largohet Evis Kushi

-Ministër për Europën dhe Punët e Jashtme - Emërohet Igli Hasani; Largohet Olta Xhaçka

-Ministër i Bujqësisë dhe Zhvillimit - Emërohet Anila Denaj; Largohet Frida Krifca

-Ministër i Pushtetit Vendor (Ministri e re): Emërohet Arbjan Mazniku

-Ministria e Shtetit për Standardet dhe Shërbimet (Shkrihet) - Largohet Milva Ekonomi

bajram begaj

Sondazh

Poll

MË SHUMË