Politike

Përfundoi takimi i 43 deputetëve të PD, Berisha i qeshur: Do futemi në parlament t'i kallim datën Ramës

Berisha komentoi takimin për gazetarët.

5 Shtator 2023, 13:54 Nga A.B
Përfundoi takimi i 43 deputetëve të PD, Berisha i qeshur: Do
Sali Berisha

TIRANË- Kryetari i Partisë Demokratike Sali Berisha deklaroi se gjatë mbledhjes së sotme ku ishin të pranishëm 43 deputetë, u morën vendime të rëndësishme. Ai tha para gazetarëve se deputetët janë të vendosur që të futen në Kuvend, për "ti kallur datën" Ramës. 

FJALA E BERISHËS:

"Unë e kuptoj se ju doni të rrëmoni në çdo lloj, por të jeni të sigurtë se pozitiviteti i këtij takimi do ti zgjidhë të gjitha kureshtjet tuaja. Sigurisht që këtu nuk ishin sot deputetët e Partisë së Lirisë, të cilët janë opozitar të vendosur, por ftesa ime është për çdo deputet që është i vendosur të luftojë këtë regjim të bashkojmë forcat për një fitore të sigurtë në zgjedhjet e ardhshme.

U morën vendime shumë të rëndësishme. Na bashkoi përgjegjësia e lartë morale, ligjore dhe e gjithanshme që kemi para 620 mijë zgjedhësve idealistë që votuan në datën 14 maj kundër Edi Ramës, ndonëse në zgjedhjet më të pandershme, të palira, më të padrejta të bëra ndonjëherë.

Ky është një takim i 43 deputetëve i dalë nga një aleancë opozitare dhe do të vendosin që në parlament ti kallin datën Edi Ramës. Asgjë më të moralshme nuk ka se sa betejën kundër Edi Ramës që po shkreton Shqipërinë. Interesat kombëtare janë të parat për çdo opozitar, çdo qytetar. Janë 620 mijë opozitarë që sot marrin frymë lirisht dhe me optimizëm. Sot para tyre hapet një horizont i ri kundër një regjimi që bazohet tërësisht në mafian, drogën dhe vjedhjen e qytetarëve.

sali berisha

Sondazh

Poll

MË SHUMË