Politike

Konferenca e Kryetarëve, Gogu: Nuk arritëm konsensus me PD, kemi çështje që nuk presin dot

Gogu, tha se në këtë konferencë duhet të diskutoheshin çështje më të rëndësishme pasi tashmë ka një datë të caktuar për të arritur objektivat për anëtarësimin në BE.

1 Shtator 2023, 12:59 Nga A.B
Konferenca e Kryetarëve, Gogu: Nuk arritëm konsensus me PD, kemi
Toni Gogu

TIRANË- Partia Socialiste dhe Partia Demokratike nuk arritën një konsensus për diskutimet në seancën e ardhshme plenare. Kjo u bë e ditur nga nënkryetari i grupit parlamentar të Partisë Socialiste Tonin Gogu, i cili tha se në këtë konferencë duhet të diskutoheshin çështje më të rëndësishme pasi tashmë ka një datë të caktuar për të arritur objektivat për anëtarësimin në BE.

“Kryetarja e kuvendit në zbatim të rregullores thirri Konferencën e Kryetarëve dhe ka paraqitur një program dhe një kalendar goxha të zgjedhur, kjo e gjitha sepse tashmë e di çdo shqiptar që është caktuar një datë për anëtarësimin. Kemi një afat dhe kjo gjë nuk pret.

Kuvendi do jetë tashmë një kombinat pune me gjithë ato akte që pritet të miratohen. Fatkeqësisht nuk arritëm në konsensus për shkaka se kolegët e opozitës përsëri përpiqen që kuvendin ta trajtojnë si një shesh për të sjellë përsheshet e tyre dhe kishin gjetur një kasus që duhet të diskutojmë çështjet e zgjedhësve, ndërkohë që rregullorja është shumë e qartë që seancën e parë duhet të merremi me çështjet më të rëndësishme”,-tha Gogu.

toni gogu konferenca e kryetareve

Sondazh

Poll

MË SHUMË