Aktualitet

VDEO tronditëse e ushtarëve që ngarkojnë kufomat në kamion në Goma

48 civilë u qëlluan në shtypjen e një demonstrate anti-OKB në Goma

1 Shtator 2023, 07:21 Nga A.B
VDEO tronditëse e ushtarëve që ngarkojnë kufomat në
Ushtaret

GOMA- Të paktën 48 civilë dhe një polic u vranë dje në Goma, gjatë një operacioni të ushtrisë për të parandaluar një demonstrim kundër forcës paqeruajtëse të OKB-së në DR Kongo.

Bilanci i operacionit të djeshëm në këtë zonë të goditur nga dhuna është "48 të vdekur" dhe "75 të plagosur" në radhët e protestuesve, ndërsa ka mbetur i vrarë edhe një polic.

Në dy video të marra në Goma dhe tashmë të qarkulluara gjerësisht në faqet e rrjeteve sociale, shihen ushtarë me uniforma të njësisë elitare duke ngarkuar rreth dhjetë trupa në pjesën e pasme të një kamioni ushtarak. 

Një ekzekutiv i lëvizjes Lutcha, Bienweni Matumo, denoncoi në një video që i dërgoi AFP-së "masakrën" me viktimat e "më shumë se 50 civilëve". Një tjetër aktivist pro-demokracisë, Jack Sinzahera, akuzoi ushtrinë për "bastisje në stacionin radiofonik të sektit", ku ai "vrau ​​prezantuesen dhe pesë të ftuarit e saj", përpara se "të shkonte në kishë dhe të qëllonte 56 persona".

Dy aktivistët kërkuan hetime të pavarura për masakrat.

"Forcat kongoleze të sigurisë qëlluan dhe vranë dhjetëra protestues dhe plagosën dhjetëra të tjerë" dhe gjithashtu "arrestuan disa dhjetëra njerëz", tha organizata joqeveritare Human Rights Watch (HRW).

Incidentet e dhunshme janë pjesë e një sërë sulmesh dhe protestash kundër misionit të OKB-së në DR Kongo, i cili është akuzuar për joefektivitet në luftën kundër grupeve të armatosura./Dosja.al

kongo

Sondazh

Poll

MË SHUMË