Politike

Do shpallni zgjedhje të reja në Himarë? Rama: Mendoj se duhet të presim gjyqin, ose do ta lirojmë nga detyra

Po ashtu Rama ka theksuar se duhet që t'i jepet shansi SPAK-ut dhe GJKKO-së që të shqyrtojnë çështjen deri në fund. 

27 Gusht 2023, 10:27 Nga I.A
Do shpallni zgjedhje të reja në Himarë? Rama: Mendoj se duhet
Edi Rama

TIRANË- Kryeministri Edi Rama ka deklaruar se ata duhet që të presin që të përfundoj gjyqi dhe më pas të shihet nëse Beleri do të shpallet i pafajshëm. Në një intervistë për 'eKathimerini', Rama deklaroi se nëse kjo është në kundërshtim me ligjet në Shqipëri, do ta lirojnë nga detyra dhe do të shpallen zgjedhje të reja nga Presidenti. Po ashtu Rama ka theksuar se duhet që t'i jepet shansi SPAK-ut dhe GJKKO-së që të shqyrtojnë çështjen deri në fund.  

Pjesë nga intervista:

Pyetje: Specialistët ligjorë grekë thonë se ka ngjarje precedente me gjykatësin Arta Vorfi në 14 nëntor 2019 gjykatëse e Gjykatës Kushtetuese që tejkaloi kundërshtimin e Ilir Metës me betimin në noter.

Rama: Dëgjoni, e para znj.Vorfi ishte qytetare e lirë, që kishte këtë ide që në fakt nuk funksionoi. E dyta, tani flasim për një të burgosuri. Kur referohemi në betimin e kryebashkiakut, ligji është i caktuar, betohet para Këshillit Bashkiak e askund tjetër.

Pyetje: Përgjegjësi i burgut nuk është pjesë e trupit gjykues, por nëpunës i ministrisë së Brendshme dhe mund të jepte lejen Belerit të paraqitet për betimin para Këshillit Bashkiak. Por nuk e bëri.

Rama: Përgjegjësi i burgut nuk ka të drejta të tilla, sepse nuk mund të japë leje tek të burgosurit. Vetëm gjykata mund të bëjë diçka të tillë.

Pyetje: Mirë atëherë, zoti kryeministër, tani çfarë do bëni? Do shpallni zgjedhje të reja në Himarë?

Rama: Këtu mund të të jap një ekskluzivitet.

Pyetje: Një ekskluzivitet gjithmonë është gjë e mirë

Rama: Por nuk jam i sigurtë që duhet ta them. E para, le të themi se në Shqipëri nuk është qeveria që shpall zgjedhje por presidenti. Gjithsesi, procedura është kështu, nëse kryebashkiaku i zgjedhur nuk shfaqet pas 90 ditësh të betohet, atëherë qeveria duhet ta çlirojë nga detyra dhe të vendosë një kryebashkiak teknik deri sa të realizohen zgjedhjet e reja, që do të shpallen nga presidenti. U kërkova avokatëve të mi të shqyrtojnë çështjen dhe nuk e di rezultatin. Por më duket se ky rast është i veçantë, nuk ka precedent. Kështu, instikti im më thotë, reagimi im psikologjik më thotë se ndoshta duhet të presim gjyqin. Kështu, mund të mos bëjmë zgjedhje të reja derisa të gjykohet fajtor ose i pafajshëm. Por ky nuk është një qëndrim juridik, është pikërisht çfarë mendoj se duhet bërë nga momenti që nuk kemi precedentë. Po, mendoj se mund të bëjmë njërën ose tjetrën, bazuar në raportin e zyrës ligjore, besoj se kemi mundësinë të mos veprojmë derisa të vendosë gjykata. Në këtë rast u japim të gjithëve shansin të shqyrtojnë çështjen deri në fund. Nëse kjo nuk është e mundur nga ana ligjore, do duhet ta lirojmë nga detyra.

edi rama edi rama interviste per ekathimerini

Sondazh

Poll

MË SHUMË