Politike

U ndjetë i fyer që Mistotakis nuk iu ftoi në Athinë? Rama për eKathimerini: Nuk e mora personalisht, Kyriakos është mik

Po ashtu ai ka theksuar se Mitsotakis është një mik dhe vazhdon që të ketë vlerësimin dhe respektin e tij. 

27 Gusht 2023, 10:05 Nga I.A
U ndjetë i fyer që Mistotakis nuk iu ftoi në Athinë? Rama
Edi Rama

TIRANË- Kryeministri Edi Rama ka deklaruar se nuk e ka marrë si fyerje personale që Kyriakos Mitsotakis nuk e ftoi në Athinë. Në një intervistë për median greke eKathimerini, Rama u shpreh se në punën që është nuk merr asgjë personale. Po ashtu ai ka theksuar se Mitsotakis është një mik dhe vazhdon që të ketë vlerësimin dhe respektin e tij. 

Pyetje: U ndjetë i fyer personalisht që kryeministri grek Kyriakos Mitsotakis nuk ju ftoi në darkën joformale të Athinës me liderët e Ballkanit Perëndimor?

Rama: Në radhë të parë, kam mësuar në jetën time se nuk është gjë e mirë të ndjehesh i fyer personalisht. Asnjëherë nuk marr asgjë personalisht. Thjesht, nuk do veproja njësoj. Besoj se arsyeja e takimit dhe inisiativa që mori Kyriakos janë shumë të rëndësishme. Besoj se nuk duhet që kjo iniciativë e rëndësishme të ishte lidhur me një qëllim tjetër, domethënë të dërgohet një mesazh tek unë, Shqipërisë, për këtë çështje, sado rëndësi t’i japë Greqia. Mendoj se sidomos kur ndodhin ngjarje të pakëndshme mes miqve, miqtë duhet të flasin më tepër me njëri tjetrin, duhet të përpiqen të kuptojnë, të nderojnë miqësinë. Për mua Kyriakos është mik dhe mbetet një mik që vlerësoj dhe respektoj.

edi rama kyriakos mitsotakis edi rama interviste per ekathimerini

Sondazh

Poll

MË SHUMË