Politike

Pse vetëm Beleri është arrestuar, ka 31 denoncime për blerje votash? Rama: Çështjet e tjera janë nën hetim, Fredi u arrestua në flagrancë

Po ashtu ai ka shtuar se provat e plota për Belerin, nuk i di askush përveç prokurorëve. 

27 Gusht 2023, 10:23 Nga I.A
Pse vetëm Beleri është arrestuar, ka 31 denoncime për
Edi Rama

TIRANË- Kryeministri Edi Rama ka deklaruar se çështjet e tjera për vjedhje votash në vend janë nën hetim. në një intervistë për gazetën greke 'eKathimerini', Rama është shprehur se arsyeja që Beleri është arrestuar është, pasi u kap në flagrancë. Po ashtu ai ka shtuar se provat e plota për Belerin, nuk i di askush përveç prokurorëve. 

Pjesë nga intervista:

Pyetje: Beleri është i vetmi që mbahet për këtë krim në Shqipëri. Ndëshkimi është i madh, për vetëm 300 euro të supozuar. Kishte 31 raste blerje vote të denoncuara ditën që u kap Beleri.

Rama: Përgjigja është shumë e thjeshtë, e para burgosja e njërit e mosburgosja e tjetrit nuk ka fare lidhje me qeverinë dhe mua. E dyta, burgosja e njërit ka të bëjë me kapjen në flagrancë. Çështjet e tjera bazohen në akuza dhe hetimet vijojnë. Kështu që krahasimi nuk qëndron realisht.

Pyetje: Sipas një video në Facebook, Beleri kur u arrestua ndodhej në tjetër restorant nga ai ku supozohet se kreu krimin dhe fliste me një avokat e një kushëri. Beleri nuk ndodhej në ambientin ku ndodhi i konsideruari krim

Rama: Askush nuk di provat e plota përveç prokurorëve, që mbeten në heshtje për shkak të sekretit të investigimit. Kur të shfaqen në gjykatë provat e plota do të bëhen të njohura tek të gjithë e atëherë kushdo mund të gjykojë. Nuk komentoj sepse asnjëherë nuk komentoj punën e këtyre institucioneve të drejtësisë. Nuk do gjeni asnjë çështje të komentuar nga unë. E vetmja ndërhyrje qeveritare që kur reforma në drejtësi mori rrugën e saj është ndërhyrja e qeverisë greke. Nga qeveria shqiptare nuk ka pasur e nuk do ketë asnjë ndërhyrje.

Pyetje: Jeni gati të mbështesni politikisht zgjidhjen të betohet Beleri brenda në burg, me prezencën e një noteri?

Rama: Mund të gjeni “dritaren” më të vogël në legjislaturën tonë që të lejojë betimin në burg me noter? Nuk ekziston diçka e tillë.

edi rama edi rama interviste per ekathimerini

Sondazh

Poll

MË SHUMË