Aktualitet

Dilnin në rrugë të lypnin me fëmijët 5 dhe 1 vjeç, procedohet penalisht gruaja dhe e reja

Për këto 2 raste, janë referuar materialet në Prokurori, për veprën penale “Keqtrajtimi i të miturit” . 

24 Gusht 2023, 11:24 Nga A.B

Dilnin në rrugë të lypnin me fëmijët 5 dhe 1

SHKODËR- Vjehrra dhe nusja dilnin në mes të rrugës, në afërsi të urës së Bahçallëkut, në Shkodër, për të lypur duke shfrytëzuar nipin dhe me fëmijën, 5 dhe 1 vjeç, duke rrezikuar jetën e tyre. Për këto 2 raste, janë referuar materialet në Prokurori, për veprën penale “Keqtrajtimi i të miturit” . 

Njoftimi i policise

Specialistët për Hetimin e Krimeve të DVP Shkodër, gjatë patrullimeve të vazhdueshme në të gjithë territorin e qarkut, me qëllim garantimin e rendit dhe sigurisë publike, kanë konstatuar se në 2 raste, të mitur dhe foshnje, shfrytëzoheshin nga të afërm të tyre, për të lypur, dhe se duke e kryer këtë veprimtari të kundërligjshme në mes të akseve rrugore, ishin burim rreziku.  

Për këto 2 raste, janë referuar materialet procedurale në Prokurori, për veprime të mëtejshme, për veprën penale “Keqtrajtimi i të miturit”, për shtetaset D. J., 64 vjeçe dhe L. J., 20 vjeçe, të cilat u konstatuan në mes të rrugës, në afërsi të urës së Bahçallëkut, teksa lypnin përkatësisht me nipin dhe me fëmijën, 5 dhe 1 vjeç.

Kontrollet kundër kësaj paligjshmërie, do të vijojnë.

Policia e Shkodrës apelon për prindërit dhe qytetarët që të mos shfrytëzojnë të miturit për veprimtari ekonomike të papërshtatshme me moshën e tyre, pasi përveç se përbën një paligjshmëri të dënueshme nga Kodi Penal, ky veprim dëmton dhe shëndetin psiko-emocional të fëmijës.

Sondazh

Poll

Aktualitet 24 Gusht 2023, 09:17 A.B

Për sa ujë ka nevojë trupi ynë?

Thuhet se njeriu mund të durojë tre minuta pa oksigjen, tridhjetë ditë pa ushqim, por vetëm tre ditë pa lëngje. Pa ujë...

MË SHUMË