Aktualitet

EMRI/ Zjarri ditën e djeshme në fshatin Jarua të Fierit, arrestohet autori 42-vjeçar

Nga zjarri në fshatin Jarua u dogjën 20 hektarë me bimësi, 2 hektarë vreshta dhe 400 rrënjë ullinj.

24 Gusht 2023, 10:38 Nga I.A
EMRI/ Zjarri ditën e djeshme në fshatin Jarua të Fierit,
Foto ilustruese

FIER- Një 42-vjeçar me emrin Fabio Rrapaj është arrestuar në Fier për zjarrvënie. Mësohet se Rrapaj është autori i për zjarrin në fshatin Jarua në Fier. Nga zjarri në fshatin Jarua u dogjën 20 hektarë me bimësi, 2 hektarë vreshta dhe 400 rrënjë ullinj.

Njoftimi i Policisë:

Levan, Fier/ Policia e Fierit identifikon dhe arreston në kohë rekord, një tjetër autor për zjarrvënie. Ndezi zjarr për të djegur barishte në tokën e tij, zjarri doli nga kontrolli dhe për pasojë u dogjën dhjetëra hektarë në territorin e fshatit Levan, falë reagimit të shpejtë të Policisë, identifikohet, kapet dhe vihet në pranga autori i zjarrvënies. Shërbimet e Komisariatit të Policisë Fier, me marrjen e njoftimit se në fshatin Jarua, Levan, kishte rënë zjarr dhe ishte përhapur në sipërfaqe të mëdha pyjore, menjëherë kanë organizuar punën për identifikimin dhe kapjen e autorit. Falë veprimeve të shpejta e profesionale, bazuar dhe në inteligjencën informative, shërbimet e Policisë kanë bërë të mundur identifikimin dhe arrestimin e autorit të dyshuar të zjarrvënies, shtetasit F. Rr., 42 vjeç, banues në fshatin Jarua, Fier.

Ky shtetas, me qëllim djegien e barishteve në tokën e tij, ka ndezur zjarr dhe për shkak të erës, zjarri ka marrë përmasa të mëdha duke djegur 20 hektarë me bimësi, 2 hektarë vreshta dhe 400 rrënjë ullinj. Theksojmë, falë reagimit të shpejtë të Policisë dhe ngazhimit maksimal, për të nxjerrë përpara përgjegjësisë penale, autorët e veprimtarive kriminale të zjarrvënies së qëllimshme apo nga pakujdesia, gjatë këtij sezoni, janë vënë në pranga 4 shtetas, janë proceduar në gjendje të lirë 9 shtetas dhe 1 është shpallur në kërkim. Materialet do i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale. Drejtoria Vendore e Policisë Fier apelon për qytetarët, që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe për procedimin penal të shtetasve përgjegjës.

fabio rrapaj

Sondazh

Poll

Aktualitet 24 Gusht 2023, 09:17 A.B

Për sa ujë ka nevojë trupi ynë?

Thuhet se njeriu mund të durojë tre minuta pa oksigjen, tridhjetë ditë pa ushqim, por vetëm tre ditë pa lëngje. Pa ujë...

MË SHUMË