Aktualitet

Po transportonte 5 emigrantë të paligjshëm, arrestohet 54-vjeçari në Korçë

Mësohet se 54-vjeçari u kap duke transportuar 5 emigrantë të paligjshëm, në këmbim të pagesës.

24 Gusht 2023, 09:28 Nga I.A
Po transportonte 5 emigrantë të paligjshëm, arrestohet
Policia

KORÇË- Një 54-vjeçar është arrestuar në Korçë për transportë të emigrantëve të paligjshëm. Mësohet se 54-vjeçari u kap duke transportuar 5 emigrantë të paligjshëm, në këmbim të pagesës. Policia sekuestroi mjetin tip Citroen dhe një aparat celular

Njoftimi i Policisë:

DVP Korçë/Vijojnë operacionet për goditjen e veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit. Finalizohet operacioni policor i koduar "Midnight 17". U kap në flagrancë duke transportuar me automjet, kundrejt pagesës, 5 shtetas të huaj që do të kalonin ilegalisht kufirin, vihet në pranga 54-vjeçari. Sekuestrohen automjeti dhe një aparat celular. Specialistët për Hetimin e Trafiqeve të Paligjshme të DVP Korçë organizuan dhe finalizuan operacionin policor të koduar "Midnight 17", si rezultat i të cilit u arrestua në flagrancë shtetasi: -K. M., 54 vjeç, banues në Tiranë. Shërbimet e Policisë, në bazë të informacioneve të siguruara nga inteligjenca informative, për një shtetas që do të transportonte kundrejt pagesës, shtetas të huaj, me qëllim që ata të kalonin ilegalisht kufirin, organizuan veprimet dhe në aksin rrugor "Korçë-Pogradec", në vendin e quajtur Qafë Plloçë, bënë të mundur lokalizimin e automjetit të dyshuar. Gjatë kontrollit në automjetin tip "Citroen" u gjetën 5 emigrantë të paligjshëm, të cilët 54-vjeçari do t'i transportonte kundrejt pagesës, me qëllim që të kalonin ilegalisht drejt vendeve të BE-së. Në cilësinë e provës materiale u sekuestruan automjeti dhe një aparat celular. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

policia e korces

Sondazh

Poll

Aktualitet 24 Gusht 2023, 09:17 A.B

Për sa ujë ka nevojë trupi ynë?

Thuhet se njeriu mund të durojë tre minuta pa oksigjen, tridhjetë ditë pa ushqim, por vetëm tre ditë pa lëngje. Pa ujë...

MË SHUMË