Sport

Talenti Arda Güler, operohet me sukses... Ja kur do të kthehet tani mesfushori turk në radhët e Real Madridit

Talenti turk iu nënshtrua një operacioni të meniskut të hënën, për të përmirësuar dëmtimin e tij. Koha e parashikuar e pushimit është gjashtë javë.

14 Gusht 2023, 18:20 Nga DOSJA

Talenti Arda Güler, operohet me sukses... Ja kur do të kthehet tani

SPANJE - Arda Güler është operuar me sukses për dëmtimin e meniskut të brendshëm të gjurit të djathtë. Në mëngjesin e kësaj të hëne, ai iu nënshtrua një operacioni të vogël.  Zona është pastruar dhe është bërë një artroskopi, e cila mund të shkurtojë javët e tij të rikuperimit. 

Koha e parashikuar e pushimit është gjashtë javë. Pas kësaj ndërhyrjeje, shërbimet mjekësore të Madridit vazhdojnë të vënë bast për një plan konservator pa asnjë nxitim, në mënyrë që Güler të rikthehet në kushtet më të mira.

Dëmtimi i Güler u njoftua më 29 korrik, gjatë turneut të Real Madridit në Shtetet e Bashkuara. Ai duhej të kthehej në kryeqytetin e Spanjës përpara pjesës tjetër të grupit për të filluar rikuperimin e tij. Në atë kohë, stafi mjekësor i Real Madridit nuk jepte detaje në lidhje me thellësinë e dëmtimit dhe klubi bardhezi refuzoi të caktonte afate për problemin fizik. 

Tashmë ata janë më optimistë, siç u shpreh vetë Ancelotti i pyetur në Bilbao për kohët e rikuperimit të futbollistit turk. “Koha e rikuperimit të Güler është mjaft e shkurtër. Mendoj se mund të rikuperohet shumë shpejt”,- tha trajneri italian.

Nuk ka ende një datë kthimi, megjithëse kalendari nxjerr një të mundshme në derbin e Metropolit të 24 shtatorit. Güler është lojtari i parë i dëmtuar i Real Madridit që i është nënshtruar një operacioni. Ende nuk dihen datat e operacioneve të Courtois dhe Militaos, të dëmtuar së fundmi, më seriozisht se talenti turk. Me gjasa kjo do të vendosen mes ditës së sotme dhe nesër.

B.T (Dosja.al)

Sondazh

Poll

MË SHUMË