Aktualitet

Pjesë e një grupi kriminal në Spanjë, arrestohet 25-vjeçari në Tiranë (EMRI)

10 Gusht 2023, 12:02 Nga f.i

Pjesë e një grupi kriminal në Spanjë, arrestohet

TIRANË- Geraldo Skënderi, 25 vjeç, i kërkuar nga autoritet e drejtësisë spanjolle si pjesëtar i një grupi kriminal në fushën e kultivimit dhe prodhimit të kanabisit, është arrestuar nga policia e Tiranës.

Njoftimi i policisë:

Finalizohet nga Fast Albania në bashkëpunim të ngushtë me DVP Tiranë, operacioni policior i koduar “Castellon 2”.

Kapet dhe vihet në pranga një 25-vjeçar, i kërkuar nga autoritetet e drejtësisë spanjolle, pjesëtar i një grupi kriminal në fushën e kultivimit dhe prodhimit të kanabisit.

Në vijim të operacioneve të njëpasnjëshme të zhvilluara nga FAST Albania, në bashkëpunim me Policitë Vendore, për kapjen e personave të shpallur në kërkim ndërkombëtar, është  finalizuar një tjetër operacion, në bashkëpunim  të ngushtë me DVP Tiranë.

Bazuar dhe në inteligjencën policore, njësia FAST Albania në Drejtorinë e Përgjithshme të Policisë së Shtetit, në bashkëpunim të ngushtë me strukturat operacionale në DVP Tiranë, në kuadër të operacionit policor të koduar “Castellon 2”,  bënë të mundur kapjen dhe arrestimin provizor me qëllim ekstradimin drejt Spanjës të shtetasit :

G. S., 25 vjeç, banues në Maqellarë, Dibër.

Arrestimi provizor i këtij shtetasi u bë pasi Gjykata e Castellon Spanjë, i ka caktuar masën e sigurisë “Arrest në burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”, të parashikuar nga Kodi Penal i Spanjës.

Ky shtetas në bashkëpunim me shtetas të tjerë shqiptarë e spanjollë, merrnin shtëpi me qera në zonën e Castellonit dhe i përshtasnin për të kultivuar bimë narkotike me anë të llambave.

Interpol Tirana vijon procedurat ligjore për ekstradimin e tij drejt Spanjës.

arrestohet 25 vjecari ne tirane

Sondazh

Poll

MË SHUMË