Sport

Master-class i Di Marias me Benficën, trofeu i parë në dorë!

Angel Di Maria, ish-anësori i PSG-së, i cili pas Juves vendosi të rikthehet në Benfica këtë verë, tashmë nuk është penduar pas një paraqitjeje verbuese në debutim.

10 Gusht 2023, 12:00 Nga DOSJA

Master-class i Di Marias me Benficën, trofeu i parë në dorë!

PORTUGALI - Në një kohë kur një lojtar prestigjioz, që është drejt fundit të karrierës së tij, e ka të vështirë t'i thotë ‘Jo’ Arabisë Saudite, madje as edhe MLS-së dhe kontratave të tyre përrallore. Mirëpo Angel Di Maria ka bërë një tjetër zgjedhje. Atë të rikthimit në burim, në klubin që e zbuloi në Evropë: Benfica. 

Pas një sezoni të vështirë në Juventus pas aventurës së tij të gjatë në PSG, “El Fideo” gjen klubin portugez, ku shkëlqeu nga viti 2007 deri në 2010, përpara një largimi të fuqishëm te Real Madrid. Dhe publiku portugez zbulon se në moshën 34-vjeçare, Di Maria nuk ka humbur asnjë nga talentet e tij.

Mbrëmë, Benfica fitoi Superkupën e Portugalisë (2-0) kundër rivalëve të mëdhenj FC Porto dhe klubi i Lisbonës ishte në gjendje të llogariste në hapjen mjeshtërore të rezultatit nga Di Marias, në stilin e një gjuajtjeje me këmbën e majtë, aq efektive sa e njohim ne.

Para se të shpallej lojtari i ndeshjes në fund të takimit, argjentinasi Di Maria, u shpreh:  “Tashmë po e imagjinoja këtë, gëzimin e fitimit të një titulli që më mungonte me Benficën. E bëra sot në ndeshjen time të parë. T'i japim këtë gëzim tifozëve që na dhanë forcë në një lojë jo të lehtë. Luajtëm shumë në pjesën e parë dhe më pas në të dytën bëmë diferencën sepse kemi lojtarë shumë cilësor”, tha ai pas ndeshjes.

B.T (Dosja.al)

Sondazh

Poll

MË SHUMË