Sport

Pas aktit tragjik në Athinë, AEK-u i kërkon UEFA-s të përjashtojë Dinamo Zagrebin…"Si mund të luajmë përballë miqve të atij krimineli?"

Teksi emocionues i drejtuesve të AEK-ut të Athinës që i kanë kërkuar UEFA-s përjashtimin e Dinamo Zagrebit nga Europa.

10 Gusht 2023, 08:30 Nga DOSJA

Pas aktit tragjik në Athinë, AEK-u i kërkon UEFA-s të

GREQI - Drejtuesit e kampionëve të Greqisë kanë lëshuar një deklaratë të veçantë pas përleshjes masive mes tifozëve të dy skuadrave, e cila përfundoi me vdekjen e një tifozi të “verdhezinjve”. AEK është i bindur se selia europiane duhet të marrë menjëherë masa pas incidentit të tmerrshëm. Klubi grek është i bindur se tifozët kroatë kanë mbërritur në vend me një qëllim të vetëm, për të vrarë. Për këtë arsye drejtuesit e AEK-ut kërkojnë dënimin më të ashpër për Dinamon Zagrebit dhe tifozët e saj.

 

AEK ka lëshuar një deklaratë të veçantë

Pas aktit tragjik në Athinë, AEK-u i kërkon UEFA-s të

“Absolutisht e njëjta pyetje që emocionon tifozët tanë, siç e morëm vesh orët e fundit, na emocionon edhe ne: “Si ka mundësi që pas vrasjes barbare të Mihalis nga një grup tifozësh nga Kroacia, AEK-u të dalë në fushë dhe të luajë kundër kësaj skuadre?"

"A do të jenë disa nga vrasësit e tij në tribuna? A do të jenë bashkëpunëtorët e tyre atje duke festuar vrasjen me miqtë e tyre sot në mediat sociale? Ata që mallkojnë botën tonë dhe krenohen me vrasjen e kryer nga bashkëpunëtorët e tyre në krimin e organizuar?"

“Kush po na detyron në fakt të luajmë atje, ndërsa gjaku i tifozit tonë të vrarë dhe të tjerëve të plagosur rëndë ende rrjedh? Kur të gjithë e dinë se ata që erdhën këtu për të vrarë janë pjesë përbërëse e organizatës me të cilën duhet të luajmë futboll? A është më i rëndësishëm lobimi i kroatëve në UEFA se sa jetët njerëzore të marra nga vrasësit?”. "Dhe mirëqenia e futbollit evropian a kërkon që ne t'i detyrojmë lojtarët tanë të luajnë sikur asgjë të mos ketë ndodhur?"

Ka vetëm një rrugë: Dënim i menjëhershëm dhe i rëndë tani! Kjo është ajo që pret botën e qytetëruar të futbollit evropian. Së bashku me AEK-un!”, ka shkruar AEK.

B.T (Dosja.al)

Sondazh

Poll

MË SHUMË