Aktualitet

Nga Berati në Durrës/ Shfrytëzonin fëmijët e tyre për të lypur, procedohen penalisht 5 persona

Të pesë personat akuzohen për veprën penale “Keqtrajtimi i të miturit”, pasi ligji e ndalon këtë veprimtari të dënueshme pasi dëmton shëndetin psiko-emocional të fëmijëve.

9 Gusht 2023, 11:48 Nga k.m.
Nga Berati në Durrës/ Shfrytëzonin fëmijët e tyre
Foto ilustruese

DURRËS- Pesë persona janë proceduar penalisht nga policia pasi shfrytëzonin fëmijët e mitur për të lypur. Mësohet se shtetasit, e identifikuar me iniciale A. B., Sh. K., A. B., R. B. dhe V. D., si ‘bandë’ kishin ardhur në mënyrë të organizuar nga Berati drejt Durrësit dhe shfrytëzonin fëmijët e tyre të moshave 4-7 vjeç.

Të pesë personat akuzohen për veprën penale “Keqtrajtimi i të miturit”, pasi ligji e ndalon këtë veprimtari të dënueshme pasi dëmton shëndetin psiko-emocional të fëmijëve.


NJOFTIMI I PLOTË:

Plazh, Durrës

Kishin ardhur në mënyrë të mënyrë të organizuar, nga qyteti i Beratit, për të shfrytëzuar për të lypur, fëmijët e tyre 4-7 vjeç, procedohen penalisht 5 shtetas. Specialistët për Hetimin e Krimeve të Stacionit të Policisë Plazh, gjatë patrullimeve të vazhdueshme, me qëllime garantimin e rendit dhe sigurisë publike, si dhe parandalimin dhe goditjen e paligjshmërive, kanë konstatuar se disa fëmijë shfrytëzoheshin për të lypur.

Për rastet e konstatuara, janë referuar materialet në Prokurori ku ka nisur procedimi në gjendje të lirë për shtetasit A. B., Sh. K., A. B., R. B. dhe V. D., pasi nga verifikimet ka rezultuar se kishin ardhur në mënyrë të mënyrë të organizuar, nga qyteti i Beratit, për të shfrytëzuar për të lypur, fëmijët e tyre të moshave 4-7 vjeç. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Keqtrajtimi i të miturit”. Policia e Durrësit apelon për prindërit dhe qytetarët që të mos shfrytëzojnë të miturit për veprimtari ekonomike të papërshtatshme me moshën e tyre, pasi përveç se përbën një paligjshmëri të dënueshme nga Kodi Penal, ky veprim dëmton dhe shëndetin psiko-emocional të fëmijës.

durres

Sondazh

Poll

MË SHUMË