Aktualitet

Kush është 35-vjeçari me precedentë në Itali që u kap me armë me silenciator në rrugët e Vlorës

Policia e Vlorës, bazuar në informacionet për një shtetas që qarkullonte me armë zjarri me vete, kanë organizuar dhe finalizuar operacionin policor të koduar “Silenciatori”.

8 Gusht 2023, 15:54 Nga m.s
Kush është 35-vjeçari me precedentë në Itali që
autori i arrestuar nga policia e Vlores

VLORË- Policia e Vlorës, bazuar në informacionet për një shtetas që qarkullonte me armë zjarri me vete, kanë organizuar dhe finalizuar operacionin policor të koduar “Silenciatori”. Në pranga ka rënë 35-vjeçari nga Shkodra, Amarildo Nikoll (Xhanej) i cili lëvizte me këmbë në qytetin e Vlorës me armë zjarri me silenciator dhe me fishek në fole, gati për qitje.

35-vjeçari nga Shkodra rezulton me precedentë penalë në Itali. Ai është i përfshirë më herët në trafikun e drogës. Bëhet me dije se të ardhurat e përfituara nga rrugët kriminale, investoheshin për të blerë dyqane dhe klube nate. Amarildo Nikoll (Xhanej) u arrestua nga policia italiane pas një operacioni masiv të organizuar nga autoritetet për të goditur bandën.

Në 2011 Amarildo Xhanej u kap me një kilogram kokainë. Në krye të rrjetit të trafikimit të lëndëve narkotike ishin shqiptarët, raportonin mediat italiane në atë kohë. Sipas hetuesve, shqiptarët ishin ngarkuar të furnizonin dhe importonin drogën nga Shqipëria.

amarildo nikoll (xhanej) vlore

Sondazh

Poll

MË SHUMË