Aktualitet

Me armë zjarri me silenciator dhe me fishek në fole, gati për qitje, kapet 35-vjeçari nga Shkodra në Vlorë

Në çantën e tij të shpinës kishte armën, një sasi municioni lufatrak, doreza dhe kapuç. Por ende nuk dihet se kush ishte shënjestra e tij.

8 Gusht 2023, 12:12 Nga k.m.
Me armë zjarri me silenciator dhe me fishek në fole, gati për
Foto ilustruese

VLORË- Një 35-vjeçar nga Shkodra është arrestuar në Vlorë teksa lëvizte më me armë zjarri me silenciator dhe me fishek në fole, gati për qitje. Në pranga në kuadër të operacionit policor të koduar "Silenciatori", u vu në pranga shtetasi Amarildo Nikolli (Xhanej). Në çantën e tij të shpinës kishte armën, një sasi municioni lufatrak, doreza dhe kapuç. Por ende nuk dihet se kush ishte shënjestra e tij.

 

NJOFTIMI I PLOTË:

Vlorë

Lëvizte me këmbë, në qytetin e Vlorës, me armë zjarri me silenciator dhe me fishek në fole, gati për qitje, falë inteligjencës policore, kapet dhe vihet në pranga 35-vjeçari nga Shkodra. Sekuestrohen një armë zjarri pistoletë me silenciator, një sasi municioni luftarak, doreza dhe kapuç që 35-vjeçari i mbante në çantën e shpinës. Shërbimet e Drejtorisë Vendore të Policisë Vlorë, si rezultat i kontrollit permanent të territorit, për garantimin e rendit dhe të sigurisë, bazuar në informacionet e siguruara nga inteligjenca policore, për një shtetas që qarkullonte me armë zjarri me vete, kanë organizuar dhe finalizuar operacionin policor të koduar “Silenciatori”.

Në kuadër të këtij operacioni, në lagjen “Uji i Ftohtë”, shërbimet e Policisë kanë lokalizuar, kapur në flagrancë dhe kanë arrestuar shtetasin A. N. (Xh.), 35 vjeç, banues në Shkodër. Gjatë kontrollit fizik ndaj këtij shtetasi, dhe në çantën e tij të shpinës, shërbimet e Policisë gjetën dhe sekuestruan në cilësinë e provës materiale, një armë zjarri pistoletë me silenciator, me fishek në fole, gati për qitje, një sasi municioni lufatrak, doreza dhe kapuç. Specialistët për Hetimin e Krimeve të Rënda, të Drejtorisë Vendore të Policisë Vlorë, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, vijojnë hetimet e thelluara për zbardhjen e rrethanave të këtij rasti dhe të qëllimit të këtij shtetasi. Materialet procedurale i kaluan Prokurorisë, për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

amarildo nikolli amarildo xhanej operacioni silenciatori

Sondazh

Poll

MË SHUMË