Aktualitet

Lezhë/ Zbardhet sherri me shkopinj, 37-vjeçari nga Kosova tentoi ti përplaste me makinë punonjësit e karburantit (EMRAT)

Dy punonjësit e karburantit e kanë goditur Migjen Mulaj me mjete të forta në trup (shkopinj) duke i shkaktuar dëmtime fizike. 37- vjeçari aktualisht ndodhet në spital, jashtë rrezikut për jetën. Në spital për ndihmë mjekësore ndodhet edhe Nikoll Sokoli i cili ka marrë gjithashtu dëmtime fizike, por jashtë rrezikut për jetën. 

6 Gusht 2023, 17:09 Nga m.s
Lezhë/ Zbardhet sherri me shkopinj, 37-vjeçari nga Kosova tentoi ti
policia Lezhe

LEZHË- Policia ka hedhur dritë mbi një rast dhune ndodhur një ditë më parë në një pikë karburanti në aksin rrugor Lezhë-Milot, ku shtetasi Migjen Mulaj, pas një konflikti të çastit për motive të dobëta që ka patur me dy punonjësit ka goditur Nikoll Sokoli 61-vjeç dhe Kujtim Rusi 52-vjeç. Më tej me automjetin e tij ka tentuar ti përplaste duke u rrezikuar jetën. Si pasojë e tentativave me automjet, Migjen Mulaj është përplasur me ambientet e brendshme të karburantit, duke i dëmtuar.

Në vijim të konfliktit, dy punonjësit e karburantit e kanë goditur Migjen Mulaj me mjete të forta në trup (shkopinj) duke i shkaktuar dëmtime fizike. 37-vjeçari aktualisht ndodhet në spital, jashtë rrezikut për jetën. Në spital për ndihmë mjekësore ndodhet edhe Nikoll Sokoli i cili ka marrë gjithashtu dëmtime fizike, por jashtë rrezikut për jetën. 

Njoftimi nga policia 

Specialistët e Seksionit për Hetimin e Krimeve ndaj Personit në Drejtorinë Vendore të Policisë Lezhë, kanë arrestuar në flagrancë shtetasit M. M. 37 vjeç, banues në Kosovë për veprat penale "Vrasje me dashje e mbetur në tentativë" dhe "Shkatërrim prone". N. S. 61 vjeç dhe K. R. 52 vjeç, banues në Lezhë, për veprat penale " Plagosje e rëndë me dashje kryer në bashkëpunim". Arrestimi i tyre u bë pasi në vijim të veprimeve të thelluara hetimore me qëllim zbardhjen e plotë të rrethanave të ngjarjes, ka rezultuar se: Rreth orës 18:30 të ditës së djeshme, në ambientet e një karburanti në aksin rrugor Lezhë-Milot, shtetasi kosovar M. M. pas një konflikti të çastit për motive të dobëta që ka patur me dy shtetasit shqiptarë N. S. dhe K. R. (punonjës pranë këtij karburanti), i ka goditur fillimisht fizikisht dhe më pas me automjetin e tij ka tentuar që ti përplasë duke u rrezikuar jetën. Si pasojë e tentativa me automjet, shtetasi M. M. është përplasur me ambientet e brendshme të karburantit, duke i dëmtuar. Në vijim të konfliktit, dy punonjësit e karburantit e kanë goditur shtetasin M. M. me mjete të forta në trup (shkopinj) duke i shkaktuar dëmtime fizike, i cili aktualisht ndodhet në spital jashtë rrezikut për jetën. Në spital për ndihmë mjekësore, ndodhet edhe shtetasi N. S. i cili ka marrë gjithashtu dëmtime fizike, por jashtë rrezikut për jetën.  Materialet procedurale iu referuan Prokurorisë për veprime të mëtejshme.

migjen mulaj nikoll sokoli kujtim rusi lezhe

Sondazh

Poll

MË SHUMË