Aktualitet

Si u zbulua nga italianët parcela e kanabisit te reparti ushtarak i Zall Herrit, bimët kishin arritur lartësi prej 50 cm

Mësohet se ka qenë droni i policisë që kontrollon sipërfaqet e mbjella me kanabis, ai që e identifikoi bimën narkotike të mbjellë në ambientet e një prej reparteve ushtarake të një vendi anëtar të NATO-së. 

6 Gusht 2023, 14:11 Nga I.A
Si u zbulua nga italianët parcela e kanabisit te reparti ushtarak i Zall
Kanabisi

TIRANË- Detaje të reja kanë zbardhur në lidhje me kanabisit te reparti ushtarak i Zall Herrit. Mësohet se ka qenë droni i policisë që kontrollon sipërfaqet e mbjella me kanabis, ai që e identifikoi bimën narkotike të mbjellë në ambientet e një prej reparteve ushtarake të një vendi anëtar të NATO-së. 

Bimët ishin mbjellë prej 2 muajsh dhe kishin arritur një lartësi prej 50 cm. Ende nuk dihet se kush e ka mbjellë këtë sipërfaqe me 125 rrënjë kanabisi. Mësohet se rrënjët e kanabisit janë zbuluar nga avioni i Guardia di Finanza që monitoron territorin shqiptar. Bimët ishin rritur dhe janë pikasur menjëherë nga pajisjet e italianëve që kanë sinjalizuar policinë shqiptare.

Kanabisi ishte mbjellë në një zonë që përdoret për stërvitjen 10 ditore të ushtarëve që bëhen pjesë e forcave komando. Si pjesë e testit është braktisja në një zonë të pyllëzuar, ku ushtarët duhet të mbijetojnë për disa ditë në kushte të vështira, duke u ushqyer me bimësinë e zonës dhe duke siguruar ujin nëpërmjet teknikave të caktuara.

Ndërkohë që deri më tani janë arrestuar Shefi i Seksionit të Sigurisë Gramoz Mullai, Specialisti për Zbulimin Rustem Koçi dhe Specialisti i sigurisë Gentian Zhurda. Ndërsa të proceduar penalsht janë komandanti i repartit, një zëvendëskomandat, një specialist dhe një magazinier.

kanabis ne zall herr

Sondazh

Poll

MË SHUMË