Bota

Pasojat e ngrohjes globale/ Studimi: Antarktidës i mungon një sasi akulli sa sipërfaqja e Argjentinës

Çdo vit, akulli i detit Antarktik tkurret në nivelet më të ulëta në fund të shkurtit, gjatë verës së kontinentit. Këtë vit shkencëtarët kanë vënë re diçka ndryshe.

30 Korrik 2023, 15:37 Nga a.l
Pasojat e ngrohjes globale/ Studimi: Antarktidës i mungon një sasi
Foto ilustruese

ANTARKTIDË- Sipas një studimi të fundit të kryer nga shkencëtarët, Antarktidës i mungon një sasi akulli pothuaj të njëjtë me sipërfaqen e Argjentinës.  Akulli i detit Antarktik ka rënë në nivele të ulëta të paprecedentë për këtë periudhë të vitit.

Çdo vit, akulli i detit Antarktik tkurret në nivelet më të ulëta në fund të shkurtit, gjatë verës së kontinentit. Këtë vit shkencëtarët kanë vënë re diçka ndryshe.

Akulli i detit nuk është kthyer në nivelet e pritura. Në fakt është në nivelet më të ulëta për këtë periudhë të vitit që nga fillimi i regjistrimeve 45 vjet më parë. Sipas të dhënave nga Qendra Kombëtare e të Dhënave për Borën dhe Akullin (NSIDC), akulli është rreth 1.6 milionë kilometra katrorë nën rekordin e mëparshëm të dimrit të vendosur në vitin 2022.

Në mesin e korrikut, akulli i detit të Antarktidës ishte 2.6 milionë kilometra katrorë nën mesataren e viteve 1981-2010. Kjo është një zonë pothuajse aq e madhe sa Argjentina ose zonat e kombinuara të Teksasit, Kalifornisë, Neë Mexico, Arizona, Nevada, Utah dhe Kolorado, shkruajnë mediat e huaja. 

Antarktiku është një kontinent i largët dhe kompleks. Ndryshe nga Arktiku, ku akulli i detit ka qenë në një trajektore të vazhdueshme në rënie ndërsa kriza klimatike përshpejtohet, akulli i detit në Antarktik është luhatur nga nivelet më të larta rekord në nivelet më të ulëta rekord në dekadat e fundit, duke e bërë më të vështirë për shkencëtarët të kuptojnë se si po reagon ndaj ngrohjes globale. 

antarktide

Sondazh

Poll

MË SHUMË