Politike

“Bënça s'ishte rastësisht, por fatalisht”, Berisha tregon përse Rama zgjodhi Tepelenën për mbledhjen 2-ditore me ministrat

Me anë të një shkrimi ironizues, Berisha thotë se Tepelena nuk ishte një destinacion rastësor. Madje ai jep edhe arsyet përse mbledhja u zhvillua pikërisht në Tepelenë, dhe kjo lidhet ngushtësisht me valën e arrestimeve dhe dorëheqjeve në PS dhe performancën që kanë dhënë së fundmi.

29 Korrik 2023, 18:37 Nga m.s
“Bënça s'ishte rastësisht, por fatalisht”,
Sali Berisha

TIRANË- Kryetari i Partisë Demokratike, Sali Berisha, ka reaguar në lidhje me mbledhjen dy-ditore të qeverisë që kryeministri Edi Rama zhvilloi në Tepelenë. Berisha shprehet se organizimi është realizuar falë përkujdesjes së veçantë nga kryebashkiaku i Tepelenës, Tërmet Peçi.

Me anë të një shkrimi ironizues, Berisha thotë se Tepelena nuk ishte një destinacion rastësor. Madje ai jep edhe arsyet përse mbledhja u zhvillua pikërisht në Tepelenë, dhe kjo lidhet ngushtësisht me valën e arrestimeve dhe dorëheqjeve në PS dhe performancën që kanë dhënë së fundmi.

Kjo, sipas Berishës, ka të bëjë me arrestimin e Vangjush Dakos, me dorëheqjen nga mandati i deputetit nga Rahman Rraja dhe me arratisjen e bashkëpunëtorit më të afërt të Ramës, Arben Ahmetaj. Kryedemokrati Berisha shkon më tej duke aluduar për dërgimin drejt qelisë së Damian Gjiknurit.

Postimi i plotë

Gjithmonë përpara, Bënça na pret!

Turizmi qeveritar dy ditor i Bënçës u mbyll me moton:

Gjithmonë përpara Bënça na pret!

Miq, prej dy ditësh qeveria e Edi Ramës është mbledhur në Bënçë, me mace dhe minj, ministra, zëvendës ministra, sekretarë e këshilltarë, gjithsej pa shoferët dhe badiguardët bëheshin 210 vetë.

E gjithë ritrita e Bënçës u zhvillua nën përkujdesjen vëllazërore të Tërmet Peçit i cili thuhet se siguroi 200 ferlike keci, 25 domixhanë raki dhe pesë fuçi dhallë dybeku.

"Epo derrat e kënaqur nuk kanë të ngopur": shprehet nën zë Tërmeti.

Në të vërtetë ritrita e Bënçës ishte si përshpëritja jo vetëm e qeverisë por e gjithë regjimit dhe kjo e mallëngjente shumë Tërmetin!

Miq, Bënça nuk u zgjodh rastësisht, por fatalisht.

Ritrita e Bënçës u mblodh pas arrestimit të Gjushit, mikut më të shtrenjtë familjar të Edi Ramës, pas aktit horror të mafies së PS Rraja, pas arratisjes së bashkëpuntorit më të afert të Edi Ramës, Arben Ahmetaj dhe publikimit të dosjes së tij si aktakuzë dhe nekrologji ligjore për Edi Ramën dhe qeverisë së tij, u mblodh pas sakrifikimit dhe përcjelljes drejt qelisë së numrit dy të Partisë Socialiste, Damian Gjiknurit, pas Asamblesë me dyer të mbyllura të mafies shtetërore më të rrezikshme në Europë.

Në këto rrethana, mafia qeveritare kishte vetëm dy alternativa për të zgjedhur: Burrelin ose Bënçën!

Ndaj zgjodhën Bënçën, si më të lehtë për të ardhmen e tyre dhe pas dy netë e tre ditë, u larguan të bindur me moton “Gjithmonë përpara drejt Bënçës që na pret!" #sb

sali berisha edi rama tepelene

Sondazh

Poll

MË SHUMË