Sport

Beckham: “Nuk i përcaktoj unë titullarët dhe skuadrën te Inter Miami!”

“Nuk e përcaktoj unë skuadrën e Inter Miami për ndeshje. Nuk kontrolloj asgjë në fushë, në stërvitje dhe në ndeshje. Kjo është ajo që bën stafi trajner”.

29 Korrik 2023, 18:00 Nga DOSJA
Beckham: “Nuk i përcaktoj unë titullarët dhe skuadrën

SHBA - Pronari i Inter Miami dhe legjenda e madhe e futbollit anglez, David Beckham ka ndarë gjëra interesante në një intervistë për “The Athletic”. Ish-lojtari i Manchester United, Real Madrid dhe PSG, ishte i bindur dhe këmbënguli se ai nuk e përcakton njëmbëdhjetëshen titullare të skuadrës për ndeshjet e ekipit të MLS.

“Unë kujdesem për çdo detaj në këtë klub, pavarësisht nëse është dizajni i sallës dhe zyrave, nëse lojtarët kanë nevojë për tifozë... për të gjitha këto gjëra sigurohem që gjithçka të jetë në rregull.

Sepse kur sjell lojtarë si Leo Messi, Sergio Busquets dhe Jordi Alba, duhet të ruani një nivel të caktuar. Nuk do të thotë që ata trajtohen ndryshe nga të tjerët, por ka të bëjë me sjelljen e profesionalizmit në klub”,- ka treguar aksioneri i klubit.

“Kur u transferova në Los Angeles, isha më i shqetësuar jo për nivelin e lojës, por për profesionalizmin që mbretëronte në klub. Për shembull, nuk kishte darka para ndeshjes. Gjithçka ndryshoi shumë shpejt dhe kur hyri Bruce Arena”,- vazhdoi ai.

“Nuk e përcaktoj unë skuadrën e Inter Miami për ndeshjet. Nuk kontrolloj asgjë në fushë, në stërvitje, apo në ndeshje. Këtë e bën stafi teknik. Unë jam në biznesin e rekrutimit me Chris Henderson dhe Jorge Mas. 

Ne jemi vazhdimisht në kërkim të mënyrave për ta sjellë këtë klub në nivelin që presim. Ne besojmë se mund ta ngremë këtë ekip në nivelin e klubeve evropiane në të ardhmen. Ekipet ku kam luajtur ndër vite, disa prej tyre janë 100 vjeç e më shumë. Jemi vetëm tre vjeç. Por ky është niveli që ne mendojmë se mund të arrijmë”,- shtoi Beckham.

B.T (Dosja.al)

Sondazh

Poll

MË SHUMË