Bota

Kovaçvski: Opozita po bllokon Kushtetutën! Vetoja për integrimet euroatlantike mund të vijë nga brenda

28 Korrik 2023, 18:00 Nga f.i
Kovaçvski: Opozita po bllokon Kushtetutën! Vetoja për
Dimitar Kovaçvski

MAQEDONIA E VERIUT- Në Maqedoninë e Veriut në qoftë se nuk votohen ndryshimet kushtetuese deri në nëntor të këtij viti, procesi euro-integrues i RMV-së rrezikon të bllokohet përsëri. 

Kryeministri Dimitar Kovaçvski tha se deri më tani vetoja për Maqedoninë e Veriut për integrimet euroatlantike ka ardhur nga jashtë, ndërsa sot për herë të parë mund të vijë nga brenda, raportojnë mediat vendase.

“Nëse deri më tani vetoja për Maqedoninë e Veriut për integrimet euroatlantike vinte nga jashtë, sot për herë të parë vetoja mund të vijë nga brenda nga partitë politike që në mënyrë deklarative thonë se janë pro integrimit dhe historikisht kanë dëshmuar se janë kundër. Ajo që bie më në sy është se për herë të parë kemi një politikan pas 32 vitesh pavarësi, i cili në një deklaratë publike thotë se agjenda evropiane nuk është e njëjtë me agjendën e Maqedonisë. Deri më tani, asnjë politikan në vend nuk e ka thënë këtë”, tha Dimitar Kovaçevski.

Kovaçevski i bëri thirrje liderit të VMRO-DPMNE-së, Hristijan Mickoski, të thotë se cila është agjenda e Maqedonisë, sepse qytetarët kanë kohë që kanë vendosur që alternativa e vetme për vendin është hyrja në Unionin Evropian.

maqedonia e veriut dimitar kovaçevsku

Sondazh

Poll

MË SHUMË